Qujat mazmunynda oqý júktemesiniń eń joǵary kólemine, bilim alýshylardyń daıyndyq deńgeıine jáne oqý merzimine qoıylatyn talaptar aıqyndalady.
Negizgi orta bilim berý deńgeıinde bilim alýshylardyń aptalyq oqý júktemesiniń eń joǵary kólemi: 5-shi synypta - 30 saǵattan, 6-shy synypta - 30 saǵattan, 7-shi synypta - 33 saǵattan, 8-shi synypta - 34 saǵattan, 9-shy synypta - 35 saǵattan aspaıtyny belgilenedi.
Sonymen qatar, orta bilimniń qol jetimdiligindegi teńsizdikti azaıtý aıasynda aýyl oqýshylarynyń bilim sapasyn arttyrý júktemesi azaıady, ol úshin synypty aýyl oqýshylarynyń toptaryna bólý engiziledi.
Qalalyq oqýshylar úshin de toptarǵa bólý qarastyrylǵan.
Máselen, bastaýysh bilim berýdiń memlekettik jalpyǵa mindetti standarty qalalyq jalpy bilim berý uıymdarynda synyptardy 24 jáne odan da kóp adamǵa, aýyldyq jerlerde 20 jáne odan da kóp oqýshyǵa toltyrǵan kezde synyptardy eki topqa bólýdi kózdeıdi:
Bul rette synypty eki topqa bólýge qalalyq jalpy bilim beretin bilim berý uıymdarynda synyptardy 24 jáne odan da kóp bilim alýshylar, aýyldyq jerlerde – 20 jáne odan da kóp bilim alýshylar orys tilinde oqytpaıtyn synyptarda orys tili boıynsha toltyrǵan kezde jol beriledi.
Sondaı-aq qujatta shekteý is-sharalary, karantın engizý, áleýmettik, tabıǵı jáne tehnogendik sıpattaǵy tótenshe jaǵdaılar kezinde synypty toptarǵa bólý bir synypta 15 bilim alýshyny toltyra otyryp, barlyq oqý pánderi boıynsha júrgiziletini kórsetiledi.
Negizgi orta bilim berý men jalpy orta bilim berý úshin de osyndaı jalpyǵa mindetti standarttar engiziledi.
Bilim mınıstrliginiń málimetinshe, respýblıkada 6942 kúndizgi memlekettik mektep jumys isteıdi, onyń 5159-y (74%) aýyldyq jerlerde ornalasqan.
Qujat 14 qyrkúıekke deıin Ashyq NQA saıtynda ornalastyrylǵan.
