О́rtti sóndirýge jeke quramnan 235 adam, 32 birlik tehnıka, 3 áýe kemesi, 3 órt sóndirý poıyzy jumyldyryldy.
Saǵat 18:00-degi jaǵdaı boıynsha TJM-ǵa tıesili 2 tikushaq órtti sóndirý úshin 12 ret áýege kóterilip, 36 tonna sý shashty.
Tikushaqtar sýdy órt bolyp jatqan jerden 25 shaqyrym qashyqtyqta ornalasqan tabıǵı sý qoımasynan alyp jatyr.
«Qazgıdromet» RMK derekteri boıynsha Qostanaı oblysynda joǵary temperatýra 38 gradýsqa deıin, jeldiń jyldamdyǵy sekýndyna 23 metrge deıin saqtalady.
Tótenshe jaǵdaılar mınıstri Iý. V. Ilın áýeden barlaý jumystaryn júrgizdi.
3 qyrkúıekte meteorologııalyq jaǵdaıdyń kúrdelenýine baılanysty órt aýmaǵy 3000 gektardan asty.
Amanqaraǵaı jáne Novonejınka eldi mekenderde qaýiptiń aldyn alý jumystary júrgizilip jatyr. Ozernoe aýylynan (halyq sany 250 adam) jáne Amanqaraǵaı aýylynyń soltústik bóliginen (1000 adam) halyqty evakýasııalaý jumystary júrgizildi. Ozernoe aýylyndaǵy 3 turǵyn úıden órt shyqty. О́rtti sóndirýge 6 órt sóndirý avtomobıli, 8 sý tasý mashınasy jumyldyryldy. Kalınıno aýylynan 228 adam, Lesnoe aýylynan 363 adam evakýasııalandy. Saǵat 17:20-da Amanqaraǵaı aýylyndaǵy munaı bazasyna qaýip týyndady, oqıǵa ornynda 3 órt sóndirý avtosısternasy (2-TJM, 1-Munaı bazasynyń Obektilik qyzmeti) jumys isteýde.
