Oqıǵa Úndistannyń Ahmedabad qalasynan Mýmbaıǵa bara jatqan kezde bolǵan.
Aldyn ala boljam boıynsha, oqıǵaǵa júrgizýshiniń basqa kólikti basyp ozýǵa árekettenip jyldamdyqty asyryp ketýi sebep bolǵan. Sodan keıin ol kópirden ótip bara jatyp, kólikti basqara almaı, qorshaýǵa soǵylǵan.
Kólikte tórt adam bolǵan, olardyń ekeýi oqıǵa ornynda qaza taýyp, taǵy ekeýi aýrýhanaǵa jetkizilgen. Polısııa oqıǵaǵa qatysty egjeı-tegjeıli tergeý júrgizip jatyr. Úndistan premer-mınıstri Narendra Modı Mıstrıdiń qaıtys bolýyna baılanysty kóńil aıtty. Ol ony Úndistannyń ekonomıkalyq kúshine senetin bolashaǵy zor bıznes kóshbasshysy dep atady.
«Onyń ólimi saýda men ónerkásip úshin úlken shyǵyn», dep jazdy premer-mınıstr tvıtterde.
Aıta keteıik, 2012 jyldan 2016 jylǵa deıin Mıstrı Úndistandaǵy eń iri kompanııalardyń biri Tata Group transulttyq konglomerat kompanııasynyń tóraǵasy boldy.
