Alǵadaı jańalyqty Jetisý oblysy ákiminiń baspasóz qyzmeti habarlady. Tamyz aıynyń sońynda Aqtúbek aýylynda jalpy quny 657 mln teńge turatyn jańa mádenıet úıi paıdalanýǵa berilgen. Munda 150 oryndy májilis zalymen qatar, 16 myńnan astam kitap qory bar oqyrman zaly jasaqtalǵan kitaphana ashyldy.
Jalpy alańy 2 myń sharshy metr bolatyn eki qabatty ǵımarat «Aýyl – el besigi» baǵdarlamasymen salynǵan. Birinshi qabatynda 150 oryndy kórermen zaly, qyzmetkerler kabınetteri, ashana, medpýnkt, kıim sheshetin oryn qarastyrylǵan. Ekinshi qabatta bı zaly, oqyrman zaly bar kitaphana, úıirmeler jumysyna jáne sharýashylyq qajettilikterine arnalǵan bólmeler ornalasqan. Ǵımarattyń qatty otynmen jylytatyn jeke qazandyǵy bar. Nysannyń mańaıy abattandyrylyp, 30 shyrsha, qaraǵaı men emen otyrǵyzylǵan. Qurylys jumystaryn «Alakól-Asyl-Qurylys» JShS merdiger mekemesi júrgizdi.
Jalpy, Aqtúbek aýylyndaǵy turǵyndardyń teń jartysy – jastar, ıaǵnı olardyń sany 520 adam. Sondyqtan jańa nysan jastardyń bos ýaqytyn tıimdi ótkizýge, olar qoǵamnyń rýhanı-mádenı ómirine belsene qatysýyna múmkindik beredi.
Jetisý oblysy
