Bıyl 15 muǵalim eńbek etetin mektep tabaldyryǵyn 7 bala attady. Jalpy, ortalaý mektepte 41 oqýshy bilim alsa, mektepaldy daıarlyq tobyna 5 oqýshy barady. Byltyr mektepti 3 oqýshy támamdap, onyń biri úzdik attestatpen bitirgen. Shaǵyn ǵana aýyl degenimiz bolmasa, zamanynda Qarasheńgel aýylynyń qara shańyraǵy talaı marǵasqalardy túletken kıeli orda.
Jańa mektep qaıyrymdylyq kómek qorynyń esebinen salyndy. Ishinde sport zaly, ashanasy, synyp bólmeleri bar shaǵyn mekteptiń qurlysyn AVSK Building Company JShS júrgizdi. Qaıyrymdylyq qordan jańa mekteptiń qurylysyna 45 mln teńge bólingen.
Jańa bilim oshaǵynyń ashylý rásiminde Qaratal aýdanynyń ákimi Erlan Isabekov sóz sóılep, aýyl turǵyndary men balalardy quttyqtady. Odan keıin aýyl aqsaqaldary aq batasyn berip, esigin aıqara ashqan bilim oshaǵynyń lentasyn qıdy. Ishin aralap kórgen qadirmendi qonaqtar men aýdan basshylary mektep tabaldyryǵyn attaǵan baldyrǵandardyń sabaǵyna qatysyp, olardyń taýdaı talabyna aq jol tiledi.
Jetisý oblysy
