Nursultan Erlanuly halyqaralyq «Týımaada» olımpıadasynyń qola júldegeri atandy. Búginde jas ınformatıktiń qorjynynda respýblıkadan enshilegen kúmis pen qola, halyqaralyq deńgeıdegi jarystardan jeńip alǵan eki qola medali bar.
Daryndy shahmatshy Álıma О́mirserik Maldıv araldarynda ótken Batys Azııa chempıonatynda sátti óner kórsetti. Talantty oqýshy baıraqty básekede qarsylastaryn qoǵadaı japyryp, jarys jeńimpazy atandy. Shahmatty Alımaǵa Balqııa ájesi úıretipti. Alıma 2018-2022 jyldardaǵy áıelder arasynda Almaty oblysynyń chempıony atandy. 2018 jyly Azııa chempıonatynyń qola medali, 2020 jylǵy Anatolıı Karpov atyndaǵy halyqaralyq kýboktyń altyn medali (Máskeý), «rapıd jáne blıs-2022» boıynsha Qazaqstan Respýblıkasy chempıonatynyń qola medaldary, «Jazǵy kýbok» týrnırinde klassıkalyq shahmattyń altyn medal ıegeri.
Sınhrondy júzýden Ámına Janatbek Nur-Sultan ashyq kýbogynyń jeńimpazy atandy. Dýette jas sportshy ekinshi oryn aldy. Eki kún boıy ótken jarysqa elimizdiń ár óńirinen 80-nen astam oqýshy baq synady. Ámına bolashaqta Qazaqstan chempıony atanǵysy keledi.
Anar Nurmahan respýblıkalyq pándik olımpıadada aǵylshyn tili páninen III oryndy jeńip aldy. Sonymen qatar Mádına Túrkebaımen ekeýi respýblıkalyq ekokonkýrstyń «Úzdik beınerolık» nomınasııasyna ıe boldy. Al Toǵjan Shamı respýblıkalyq «Dostyq kópirleri» esse baıqaýynda bas júldeger atandy.
Bıyl Taldyqorǵan qalasyndaǵy Nazarbaev zııatkerlik mektebin támamdaǵan 99 oqýshynyń 21-i Nazarbaev Ýnıversıtetine, 21 túlek Amerıka, Ulybrıtanııa, Italııa, Majarstan, Reseı ýnıversıtetterine oqýǵa tústi.
Jetisý oblysy
