Qazaqstan • 23 Qyrkúıek, 2022

Mınıstrlik Reseı azamattarynyń Qazaqstanǵa kirý máselesine túsinikteme berdi

128 ret kórsetildi

QR SIM Baspasóz qyzmeti Reseı azamattarynyń Qazaqstanǵa kirý jáne bolý tártibi týraly máselesine túsinikteme jarııalady, dep habarlaıdy Egemen.kz atalǵan vedomstvoǵa silteme jasap. 

«Shetel azamattarynyń QR-ǵa kirý jáne bolý tártibi bar, olardy baqylaýdy QR UQK Shekara qyzmeti jáne tıisinshe QR IIM júzege asyrady. Qazirgi tańda barlyq memlekettik organdar shtattyq rejımde jumys isteýde jáne jaǵdaıdy turaqty baqylaýdy qamtamasyz etýde. Bul rette, kez kelgen eldiń sheteldik azamattarynyń QR aýmaǵynda merzimsiz bolýǵa quqyǵy joq, olar elimizdiń kóshi-qon zańnamasynyń talaptaryn saqtaýy qajet», delingen habarlamada.

Mınıstrlik ókilderi qazaqstandyqtar quqyqtyq memlekette ómir súrip jatqanyn jáne ár azamattyń is-áreketteri osy qaǵıdattardan týyndaýy tıis ekenin atap ótti.

«Qoldanystaǵy sharttar saqtalýy tıis jáne yqtımal quqyq buzýshylyqtardy ákimshilik tártippen toqtatý kerek. Memlekette ulttyq múddelerdi qorǵaýdyń tetikteri jetkilikti, bul oraıda, ulttyq múdde bárinen de joǵary. Aınalamyzda bolyp jatqan kez kelgen kúrdeli geosaıası jaǵdaıda biz ulttyq qaýipsizdiktiń basymdyǵyna súıenetin bolamyz. Álemde oryn alǵan qubylmaly ahýal bizdiń memleketimizdiń turaqtylyǵy úshin synaq bolyp otyr. Sonymen birge, halqymyzǵa tán adamgershilik qasıetter belgili bir moraldyq erejelerdi saqtaýdy talap etedi. Azamattarymyz ózindik danalyǵyn kórsetip, qonaqjaılylyq dástúrine berik bolady dep senemiz», delingen túsiniktemede.

Sondaı-aq vedomstvo qazirgi qıyn kezeńde kez kelgen ótkir málimdeme nemese áreket jaǵymsyz áser týdyrýy múmkin ekenin eske saldy.

«Búgingi tańda Qazaqstannyń ınfraqurylymy kóshi-qonnyń qazirgi jaǵdaıynan salystyrmaly túrde aýyrtpalyqsyz ótýge múmkindik beredi. Qyzmet kórsetý jáne servıs obektileri de óz qýattary aıasynda jumys isteıdi. Biz aǵymdaǵy ahýalǵa muqııat monıtorıng júrgizip otyrmyz jáne eleýli bir qaterler týyndaǵan kezde halyqaralyq quqyq pen ulttyq zańnamany eskere otyryp, tıisti sharalar qabyldanatyn bolady. Biz memlekettik organdardyń resmı jáne obektıvti aqparatyna sený mańyzdy dep sanaımyz, bul qajetsiz alańdaýshylyqtyń aldyn alýǵa kómektesedi», delingen SIM habarlamasynda.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar