Týrızm • 28 Qyrkúıek, 2022

Qazaqstan taǵy 26 el úshin vızasyz rejım engizedi

104 ret kórsetildi

Qazaqstanda vızasyz elder tizimi keńeıtilip, halyqaralyq reıster sany artady. Bul týraly OKQ brıfınginde Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Ryspekov málimdedi, dep habarlaıdy Egemen.kz.

Ol 2022 jyly Qazaqstan 74 el úshin jáne qosymsha Úndistan, Qytaı jáne Iran azamattary úshin vızasyz rejımdi qalpyna keltirgenin atap ótti. Sondaı-aq 113 baǵyt boıynsha 28 elmen halyqaralyq áýe qatynasy qalpyna keltirildi.

Spıkerdiń aıtýynsha, týrısterdiń sanyn arttyrý úshin mınıstrlik kelesi sharalardy qabyldaýdy josparlap otyr:

  • Qazaqstanǵa kirý úshin vızasyz elder sanyn 100-ge deıin ulǵaıtý;
  • Reseı, Mońǵolııa, Qytaı, Úndistan jáne Fransııa baǵyttary boıynsha qosymsha áýe reısterin ashý.

Dastan Ryspekov pandemııa kezindegi eki jyldyq úzilisten keıin týrıstik sala qarqyndy damyp jatqanyn atap ótti.

«Ishki týrızmniń negizgi kórsetkishteri ekinshi jyl qatarynan ósip keledi. О́tken jyldyń qorytyndysy boıynsha ishki týrıster sanynyń rekordtyq kórsetkishi tirkeldi, ol 6,9 mln adamdy qurady, bul pandemııaǵa deıingi kezeńnen de joǵary. 2022 jyldyń jarty jyldyǵynyń derekteri 1,3 mln kelýshilerdi qurap, ótken jyldyń qorytyndy derekterimen teńesti. Jyl sońyna deıin shamamen 2,5 mln kelýshi bolady dep boljap otyrmyz. Bıylǵy jyldyń alty aıynda qonaq úıler qyzmet kórsetken sheteldik týrıster sany ótken jyldyń sáıkes kezeńimen salystyrǵanda 2,5 ese joǵary», dedi Týrızm ındýstrııasy komıtetiniń tóraǵasy.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Uqsas jańalyqtar