Eki oblystyń aýyl sharýashylyǵy taýar óndirýshileri men qaıta óńdeý kásiporyndary elorda turǵyndary men qonaqtaryna joǵary sapaly, ekologııalyq taza ónimder usynady. Qos óńirdiń sharýalary 282 tonnany quraıtyn 70-ten astam taýar túrin ákeledi dep kútilýde.
Onyń ishinde: 91 tonna kartop pen kókónis, 59,9 tonna bal, 48,8 tonna et, 17 tonna kúnbaǵys maıy, 13 tonna baqsha daqyldary, 8 tonna sút ónimderi, 7,5 tonna balyq ónimderi, 5 tonna qus eti, 5 tonnadan astam qymyz jáne panty ónimderi, 4 tonna ulttyq taǵamdar jáne 3 tonna shujyq ónimderi bar.
Ákimdiktiń habarlaýynsha, barlyq ónimder sanıtarlyq-epıdemıologııalyq talaptarǵa sáıkes keledi jáne satýshylarda ónimderdiń shyǵý tegin, sapasy men qaýipsizdigin rastaıtyn qujattar bolady.
Sondaı-aq jármeńke aıasynda elorda turǵyndary men qonaqtary úshin konserttik baǵdarlama daıyndaldy.
Aıta ketsek, atalǵan jármeńke aýyl sharýashylyǵy óndirýshilerine óz ónimderin tikeleı tutynýshylarǵa deldalsyz satýǵa múmkindik beredi, sonyń nátıjesinde taýarlardyń baǵasy naryqtyq baǵadan 10-20%-ǵa tómen bolady.
Jármeńkeler ár senbi jáne jeksenbide 30 qazanǵa deıin ótedi. О́tetin orny: Turan 48 mekenjaıy boıynsha ornalasqan «Astana-Arena» stadıonynyń janyndaǵy alań.
8-9 qazan kúnderi Astanaǵa Soltústik Qazaqstan jáne Aqtóbe oblystarynyń kásipkerleri keledi.
