Qoǵam • 29 Qyrkúıek, 2022

Aqtóbe oblysynyń turǵynynan 950-ge jýyq kıik múıizi tárkilendi

60 ret kórsetildi

Aqtóbe oblysynyń polıseıleri jergilikti turǵynnan 900-den astam kıik múıizin tárkiledi, dep habarlaıdy Egemen.kz Polisia.kz saıtyna silteme jasap.

Aqtóbe oblysy polısııa departamenti Uıymdasqan qylmysqa qarsy kúres basqarmasynyń qyzmetkerleri UQK departamentiniń qyzmetkerlerimen birlesip Samara-Shymkent tas jolynda jedel is-sharalar ótkizý barysynda VAZ-2110 avtokóligin toqtatty. Kólikti 41 jastaǵy er adam júrgizgen, al jolaýshylar otyratyn orynda 61 jastaǵy er adam bolǵan.

Polıseıler kóliktiń júksalǵyshynan kıik múıizi bar jeti qorapty tapty. Jolaýshy qoraptardyń ózine tıesili ekenin jáne olardy satpaqshy bolǵanyn túsindirdi. Qoraptarda 765 aqbóken múıizi boldy.

Sonymen qatar er adamnyń turǵylyqty jeri boıynsha taǵy 184 aqbóken múıizi tárkilendi. Barlyǵy 949 múıiz anyqtaldy.

Atalǵan fakti boıynsha QR QK 339-1-baby birinshi bóligi «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikteri men derıvattaryn zańsyz paıdalaný» boıynsha sotqa deıingi tergeý bastaldy.

Atalǵan baptyń sanksııasy úsh jyldan bes jylǵa deıingi merzimge bas bostandyǵyn shekteý túrindegi jazany ne múlki tárkilenip, sol merzimge bas bostandyǵynan aıyrýdy kózdeıdi.

Sońǵy jańalyqtar

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Prezıdent Ulttyq bank tóraǵasyn qabyldady

Prezıdent • Búgin, 13:03

«QazMunaıGazda» kadrlyq ózgerister boldy

Taǵaıyndaý • Búgin, 12:53

Uqsas jańalyqtar