Qoǵam • 03 Qazan, 2022

«Astana Balet» teatry úzdik resenzııaǵa baıqaý jarııalady

48 ret kórsetildi

«Astana Balet» teatry kórermender arasynda «Tyrnaq aldy týyndy» atty resenzııa baıqaýyn jarııalady, dep habarlaıdy Egemen.kz.

Baıqaý nátıjesi 31-shi qazanda teatrdyń saıty men áleýmettik jelilerinde jarııalanady. Jeńimpazǵa 100 000 teńge kóleminde aqshalaı júlde men spektaklderdi tamashalaýǵa abonement beriledi.

Baıqaýdyń negizgi maqsaty – daryndy balet synshylaryn anyqtap, qoldaý kórsetý. Olardyń shyǵarmashylyq áleýetin arttyryp, baıqaýǵa qatysýshylardy otandyq mádenıet pen ónerdiń úzdik týyndylarymen tanystyrý.

Baıqaýǵa qatysý úshin teatrdyń ınstagram akkaýntyna tirkelý qajet. Baıqaýǵa qatysýshyǵa teatrdyń repertýaryndaǵy eki bir aktili balettiń birin tańdap, kórý múmkindigi beriledi. Spektaklder jaıly anyqtama málimetteri (qoıylym toby, balettiń sıpattamasy) astanaballet.com resmı saıtynda ornalastyrylǵan.

«Astanalyq teatr shyǵarmashylyǵynyń jankúıeri bolsańyz, spektaklderdi jıi kórip, óz oıyńyzben, alǵan áserińizben bóliskińiz kelse «Tyrnaq aldy týyndy» («Proba pera») baıqaýyna qatysýdy usynamyz. Kórgen spektaklińiz jaıly oı qorytyp, alǵan áserińizdi, ártisterdiń óneri, sahna keńistiginiń bezendirilýi, oryndalǵan mýzyka jaıly oıyńyzdy qaǵaz betine túsirińiz. Spekatkldi meılinshe dál, tolyq ári qyzyqty sýretteýge tyrysyńyz. Pikirińizben tanysqan oqyrman – kórermen zalynda janyńyzda otyryp, sahnadaǵy kórinisti birge tamashalaǵandaı áser alsyn», delingen teatr habarlamasynda.

Baıqaý barysynda 3500 - 7000 belgiden turatyn tóltýma resenzııalar irikteledi. Resenzııalar 2022 jylǵy 1-25 qazan aralyǵynda pressa@astanaballet.kz poshtasyna «Tyrnaq aldy týyndy»  degen taqyryp qoıyp joldaý qajet.

Baıqaý jeńimpazyn irikteý komıssııasy anyqtaıdy. Komıssııa quramynda dırektordyń orynbasary Valerıı Kúzembaev, kórkemdik jetekshi Nurlan Kanetov jáne bas baletmeıster Mýkaram Avahrı bar. Jeńimpazdyń resenzııasy avtordyń emlesi men tynys belgilerin saqtaı otyryp, teatrdyń saıtynda jarııalanady.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar