Ekonomıka • 03 Qazan, 2022

О́zbekstanda qazaqstandyq zaýyt ashyldy

50 ret kórsetildi

Qazaqstanda qabyrǵalyq materıaldardyń iri óndirýshisi - «Ecoton» kompanııa toby О́zbekstanda gazobeton óndiretin zaýyt ashty, dep habarlaıdy Egemen.kz.

«Ecoton Sharq» óndiristik alańy Tashkent oblysynyń Angren qalasynda, О́zbekstan astanasynan 80 shaqyrym jerde paıdalanýǵa berildi. Jobaǵa 12 mln AQSh dollary ınvestısııalanǵan. Jańa zaýyt jylyna 300 myń tekshe metr, atap aıtqanda 5000 jaıly úıdiń salýyna aýqymy jeterlik ónim shyǵarady dep kútilýde.

Zaýyttyń ashylý saltanatyna О́zbekstan Respýblıkasy men Qazaqstan Respýblıkasynyń resmı tulǵalary, sondaı-aq eki eldiń iri qurylys kompanııalarynyń ókilderi qatysty.

e

Sóz sóıleý barysynda «Ecoton» kompanııa tobynyń basshysy Baýyrjan Baımuhanov zaýyttyń ashylýy elder arasyndaǵy saýda-ekonomıkalyq yntymaqtastyqty odan ári nyǵaıtýǵa jańa serpin beretinin jáne О́zbekstannyń jáne basqa Ortalyq Azııa elderiniń qurylys naryǵyndaǵy ekologııalyq qabyrǵa materıaldaryna suranysty qanaǵattandyrýǵa múmkindik beretinin atap ótti.

Zaýyttyń ashylý saltanatynan keıin qonaqtar óndiristik alańdardy aralap, qurylys materıaldaryn shyǵarý prosesimen tanysyp, ózderin qyzyqtyrǵan suraqtarǵa jaýap aldy.

Angrendegi zaýyt «Ecoton» kompanııasy úshin altynshy joba boldy. Búginde onyń quramynda Qazaqstannyń Aqtóbe, Astana, Qandyaǵash jáne Alǵa qalalarynda óndiristik alańdary bar. Qazaqstandaǵy «Ecoton» kompanııalar tobynyń avtoklavty gazobeton óndiretin zaýyttarynyń óndiristik qýaty jylyna 550 myń tekshe metrdi quraıdy, bul jylyna 1 mln sharshy metrge teń.

Aıta ketsek, «Ecoton» AQ zaýyty qurylys naryǵynyń eń joǵary talaptaryn qamtamasyz etýge múmkindik beretin qurylys materıaldaryn óndirý boıynsha Qazaqstannyń ınnovasııalyq-tehnologııalyq damý baǵdarlamasy sheńberinde iske asyryldy. Búgingi tańda kásiporyn ónimi - joǵary sapaly qurylys materıaldarynyń ulttyq brendi.

 

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar