Aımaqtar • 03 Qazan, 2022

Aqtaýdyń jańa ákimi taǵaıyndaldy

63 ret kórsetildi

Búgin Mańǵystaý oblysynyń ákimi Nurlan Noǵaev Aqtaý qalalyq máslıhatynyń depýtattaryna Nurdáýlet Qılybaıdyń ornyna jańa ákimniń kandıdatýrasyn usyndy, dep habarlaıdy Egemen.kz.

Mańǵystaý ákimdigi jańa kandıdat buryn Aqtaý ákiminiń orynbasary qyzmetin atqarǵan Erbol Izbergenov ekenin atap ótti. Onyń kandıdatýrasy Prezıdent Ákimshiligimen kelisilgen.

«Depýtattar Izbergenovtiń kandıdatýrasyn qoldap, ony tájirıbeli basqarýshy retinde tanıtynyn atap ótti. Nurlan Noǵaev Nurdáýlet Kılybaıǵa atqarylǵan jumysy úshin alǵys aıtyp, Erbol Izbergenovke Aqtaýdyń áleýmettik-ekonomıkalyq damýyna qatysty birqatar naqty tapsyrma berdi», delingen habarlamada.

Erbol Izbergenov Almaty qurylys jáne menedjment kolledjin, Aqtaý memlekettik ýnıversıtetin jáne Reseı Federasııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn «ǵımarattar men qurylystardy salý jáne paıdalaný», «ónerkásiptik jáne azamattyq qurylys» jáne «ákimshilik is sheberi» mamandyqtary boıynsha bitirgen.

Eńbek jolyn 1991 jyly Aqtaýda «Mańǵystaý munaı-gaz barlaý» tas qalaýshy bolyp bastaǵan. Ár jyldary sheber, tehnıkalyq dırektor bolyp jumys istedi.

2004 jyly Aqtaý ákimi apparatynyń sáýlet jáne qala qurylysy bóliminiń bas mamany boldy. Sondaı-aq Mańǵystaýda aýyl jáne aýdan ákimderi laýazymdaryn atqardy. 2012 jyly Densaýlyq saqtaý mınıstrliginiń bas sarapshysy bolyp jumys istedi. Ár túrli memlekettik organdarda basqarmalardyń basshysy boldy.

2020 jyldyń tamyz aıynan bastap búgingi kúnge deıin Erbol Izbergenov Aqtaý ákiminiń orynbasary qyzmetin atqardy.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar