Taǵaıyndaý • 03 Qazan, 2022

«Qazposhta» AQ basqarma tóraıymy taǵaıyndaldy

90 ret kórsetildi

«Samuryq-Qazyna» AQ Basqarmasynyń sheshimimen Ásel Janasova «Qazposhta» AQ Basqarmasynyń tóraıymy bolyp taǵaıyndaldy, dep habarlaıdy Egemen.kz.

Ásel Jantasova 2020 jyldyń shildesinen bastap qazirgi taǵaıyndalýyna deıin QR Saýda jáne ıntegrasııa vıse-mınıstri qyzmetin atqardy. Onda saýdany sıfrlandyrý, tólem júıelerin damytý jáne sıfrlyq bankıng salasyndaǵy jobalarǵa jetekshilik etti.

Aıta ketsek, Ásel Janasovanyń Saýda jáne ıntegrasııa mınıstrligindegi jumysynyń negizgi nátıjeleriniń biri Amazon jáne Ebay sııaqty amerıkandyq kompanııalarmen, jappaı suranysqa ıe taýarlardy ınternet-satý salasyndaǵy kóshbasshylarmen kelisim jasasý boldy. Máselen, 2021 jyldan bastap Qazaqstan saıtta tikeleı tirkelýge ruqsaty bar elder tizimine endi. Osynyń arqasynda qazaqstandyq kásipkerler halyqaralyq alańdarda saýda júrgizýge múmkindik aldy.

Sondaı-aq Ásel Janasovanyń jergilikti jáne halyqaralyq IT-jobalardy júzege asyrýda 10 jyldan astam tájirıbesi bar.

2010 jyly Prezıdenttiń «Bolashaq» halyqaralyq stıpendııasy boıynsha Kembrıdj ýnıversıtetinde ınformatıka salasyndaǵy bakalavr dárejesin alǵan. 2014 jyly Kembrıdj ýnıversıtetiniń magıstratýrasyn, M.Lomonosov atyndaǵy MMÝ-di «Executive Management» baǵdarlamasy boıynsha bitirgen.   

2010 jyldan 2014 jylǵa deıin Ásel Jantasova London qalasyndaǵy Eurasian Natural Resources Corporation PLC kompanııasynyń aqparattyq tehnologııalar qaýipsizdigi departamentiniń dırektory qyzmetin atqardy. Ol komandany basqardy jáne ártúrli elderde (Qazaqstan, Afrıka, Eýropa, Qytaı jáne Reseı) iri Strategııalyq jobalardy engizdi.

2014-2016 jyldary Ulttyq banktiń «Banktik servıs bıýrosy» RMK dırektorynyń keńesshisi, Ulttyq bankttiń Sıfrlyq tehnologııalar departamentiniń dırektorynyń orynbasary boldy.  

2016-2017 jyldary «Zerde» Ulttyq basqarýshy holdıngi» AQ basqarma tóraıymy qyzmetin atqardy.

2017-2018 jyldary «Astana» halyqaralyq qarjy ortalyǵy (AHQO) basqarýshysynyń keńesshisi bolyp jumys istedi. QR saýda jáne ıntegrasııa vıse-mınıstri laýazymyna taǵaıyndaý aldynda 2018 jyldan 2020 jylǵa deıin AHQO sıfrlyq tehnologııalar jónindegi basqarýshy dırektory laýazymyn atqardy.

2019 jyly Ásel Janasova «Innovate Finance» jahandyq reıtıngine sáıkes qarjy tehnologııalary salasyndaǵy (Woman in Fintech Powerlist) áıel-kóshbasshylar tizimine endi. Sondaı-aq «Qazaqstannyń 100 jańa esimi 2019» jobasynyń jeńimpazy.

2022 jyly ǵylymı-tehnıkalyq zertteýlerdi qarjylandyrý jáne talanttardy damytýǵa ınvestısııalaý maqsatynda amerıkandyq mıllıarder Erık Shmıdt negizin qalaǵan Halyqaralyq qaıyrymdylyq uıymy – «Schmidt Futures» Qorynyń baǵdarlamasynyń Azııa óńiri boıynsha álemniń 20 talantyna kirdi.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar