«Sapar barysyndaǵy ózekti máselelerdiń biri – Qazaqstanda V Oıyndardy ótkizý jónindegi kelissózder bolatyn. Nátıjesinde, Túrkııanyń Jastar jáne sport mınıstri Mehmet Kasapoglý keshe saltanatty túrde atalǵan aýqymdy sharanyń estafetasyn elimizge tabys etti. Iаǵnı, resmı túrde Qazaqstan – 2024 jylǵy 5-shi Dúnıejúzi kóshpendiler oıyndaryn ótkizýshi memleket retinde belgilendi», dep jazdy mınıstr.
Onyń aıtýynsha, bul – aıtarlyqtaı qýanysh, ári asa jaýapty jumys.
«Myńjyldyqtardyń murasyna ıe, kóshpeli dala saltyn ulyqtaǵan el retinde bul dúbirli dodany joǵary deńgeıde ótkizemiz dep senemin. Keshe Túrkııa tórinde el namysyn qorǵap, erekshe nátıje kórsetken barlyq jeńimpazdy taǵy da shyn júrekten quttyqtaımyn! At ústindegi Alash rýhynyń aıbyny arta bersin!», delingen mátinde.
