Anımasııalyq týyndy kıeli taıqazandy qaıtaryp alý úshin jolǵa attanyp, zulym jaýmen shaıqasta qaısar batyrlyq kórsetken jas batyr týraly baıandaıdy.
- 2007 jyly men «Altyn jebe» anımasııalyq fılmder festıvaline qatystym, ol kezde T.Júrgenov atyndaǵy QazUО́A úshinshi kýrs stýdenti edim. Festıval sheńberinde barlyq qonaqtardy Túrkistandy aralatyp, Qoja AhmetIаssaýıdiń kesenesine alyp bardy. Sol kezde kıeli taıqazandy alǵash kórip, úlken áser aldym. Osydan shamamen eki jyl buryn taıqazan týraly mýltfılm túsirýdi oılap, barlyq derektermen tanysyp shyqtym. Keıin ssenarıı jazyp, osy jazda Ulttyq kınony qoldaý memlekettik ortalyǵynyń ssenarııler baıqaýyna qatystym, - deıdi anımator Qýanysh Naǵyz.
Aıta ketsek, Qýanysh Naǵyz «Taıkazan hıkaıasy» mýltfılminiń ssenarıı avtory men qoıýshy sýretshisi. Bul jas rejısserdiń alǵashqy jumysy emes. Ol ár jyldary «Qazaqfılm» kınostýdııasynda «Úsh syılyq» jáne «Meniń atym Qozy» syndy basqa da anımasııalyq týyndylardy túsirgen.
Rejısserdiń aıtýynsha, «Taıkazan hıkaıasy» komedııamen aralas túsiriletin shytyrman oqıǵaly mýltfılm. Sonymen qatar ol daıyndyq kezeńi barysynda úlken jumystar atqarylǵanyn, fılmniń negizgi personajdary salynǵanyn, sondaı-aq jobanyń syzba nusqasy túsirilgenin habarlady. Búginde jas mýltıplıkator negizgi lokasııalardy salyp, keıbir sahnalardy qozǵalyspen kórkemdep jatyr.
Atalǵan mýltfılmniń túsirý jumystary ústimizdegi jyly qarasha aıynda aıaqtalady.
