Finprom.kz málimetinshe, taraptar ózara taýar aınalymyn arttyrý maqsatynda Qyrǵyzstannan Qazaqstanǵa erte kóktemdegi jemister men kókónisterdi jetkizýge múddeli. Al EAEO elderiniń ishinde Qyrǵyzstan Qazaqstannyń ónerkásiptik jáne tutynýshylyq taýarlaryn Reseıden keıingi ekinshi tutynýshy.
О́tken jyly Qyrǵyzstan men Qazaqstan ózara saýda kólemin bir mıllıard AQSh dollarynan asyrǵan. Bıyldyń ózinde QR prezıdenti Qasym-Jomart Toqaev eki jaqtyń ózara saýda kólemin 2 mlrd AQSh dollaryna deıin ulǵaıtý týraly kelisimge kelgenin málimdegen edi.
2021 jyly Qyrǵyzstannyń Eýrazııalyq ekonomıkalyq odaq (EAEO) elderimen ózara saýdanyń jalpy kólemi 4,9 mlrd AQSh dollaryn quraǵan, onyń ishinde 1,1 mlrd AQSh dollary nemese shamamen 21%-y Qyrǵyzstannyń Qazaqstanmen saýdasyna tıesili.
Sonymen qatar, sońǵy málimetter Qyrǵyzstannan Qazaqstanǵa ımport 2020 jylmen salystyrǵanda 35% tómendese, Qazaqstannan Qyrǵyzstanǵa eksport kerisinshe 2,5 ese óskenin kórsetip otyr.
