Qazaqstan • 04 Qazan, 2022

Sahna mádenıetin saqtamaǵan ártis aıyppul tóleýi múmkin

371 ret

kórsetildi

1 mın

oqý úshin

Qazaqstandyq ártisterdiń sahna mádenıeti týraly másele qaralýda. Bul týraly QR Mádenıet jáne sport vıse-mınıstri Kúmis Seıitova málimdedi, dep habarlaıdy Egemen.kz.

Dınar KERIM

Sahna mádenıetin saqtamaǵan ártis aıyppul tóleýi múmkin

- 2020 jyly Mádenıet týraly zańnamaǵa túzetýler engizildi. Olarǵa sáıkes konsertter men basqa da mádenı is-sharalarǵa qatysty normalar kózdelgen. Iаǵnı, ártis ózin kórermenderdiń aldynda durys ustaýy kerek. Sonymen qatar, fonogrammaǵa qoıylatyn talaptar da bar. Eger ánshi fonogrammamen óner kórsetse, ol bul týraly eskertýi kerek. Biraq qoldanystaǵy Ákimshilik quqyq buzýshylyq týraly kodekste eshqandaı jaza nemese aıyppul qarastyrylmaǵan, - dedi Q.Seıitova.

Mınıstr orynbasarynyń aıtýynsha, zańnamaǵa túzetýler engizý - úlken prosess. Qazir ártisterdiń sahna mádenıeti týraly másele zerttelip jatyr. Atap aıtqanda, zańdy jáne jeke tulǵalarǵa qatysty 150-den 2000 AEK-ke deıin aıyppul salý kózdeledi.

Aıta keteıik, bul sharalar áli kúshine engen joq, tek qarastyrylyp jatyr.

Kúmis Seıitova bul másele ártistermen jáne konsert uıymdastyrýshylarymen talqylanatynyn jáne osy túzetýler jaqyn arada kúshine enýi múmkin ekenin tilge tıek etti.