Elorda • 06 Qazan, 2022

Elordadaǵy jármeńkede SQO jáne Aqtóbe oblystarynyń ónimderi usynylady

33 ret kórsetildi

Osy demalys kúnderi, 8 jáne 9 qazanda elordadaǵy aýyl sharýashylyǵy jármeńkesinde óz ónimderin Soltústik Qazaqstan jáne Aqtóbe oblystarynyń taýar óndirýshileri usynady. Jalpy óńirler 1200 tonnaǵa jýyq ónim ákeledi, dep habarlaıdy Egemen.kz qalalyq ákimdiktiń resmı saıtyna silteme jasap.

Atalǵan óńirlerdiń aýyl sharýashylyǵy taýaryn óndirýshiler men qaıta óńdeý kásiporyndary elorda turǵyndary men qonaqtaryna joǵary sapaly ekologııalyq taza ónimderdi usynbaq. Jármeńkege 130-ǵa jýyq aýyl sharýashylyǵy taýaryn óndirýshiler men qaıta óńdeý kásiporyndary qatysady. Assortıment 1200 tonnadan astam ónimdi quraıdy.

Olardyń ishinde: kartop pen kókónister - 741 tonna, ettiń barlyq túri jáne shujyq ónimderi – 208 tonna, sút ónimderi – 45 tonna, balyq – 20 tonna, bal – 26 tonna, un men makaron ónimderi – 148 tonna, jumyrtqa – 125 myń dana, sondaı-aq osy óńirlerde óndiriletin ózge de ónimder.

Barlyq ónimder sanıtarlyq-epıdemıologııalyq talaptarǵa saı. Satýshylarda ónimderdiń shyǵý tegin, sapasy men qaýipsizdigin rastaıtyn qujattar bolady.

Sondaı-aq elorda turǵyndary men qonaqtary úshin konserttik baǵdarlama daıyndaldy.

Esterińizge sala keteıik, bul jármeńke aýyl sharýashylyǵy óndirýshilerine óz ónimderin deldalsyz tikeleı tutynýshylarǵa satýǵa múmkindik beredi. Olardyń ónimderiniń baǵasy naryqtyq baǵadan 10-20% tómen bolady.

Jármeńkeler ár senbi jáne jeksenbi kúnderi 30 qazanǵa deıin ótedi. О́tetin orny: Turan 48 mekenjaıyndaǵy «Astana-Arena» stadıonynyń janyndaǵy alań. Kelesi bolyp 15-16 qazanda óz ónimderin Pavlodar oblysynyń kásipkerleri usynady. 

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar