Elorda • 07 Qazan, 2022

Astanada 750-den astam qoǵamdyq oryndar men aýlalar abattandyryldy

37 ret kórsetildi

Elordada jańa tartylys núkteleri paıda boldy, onda qala turǵyndary men qonaqtary bos ýaqyttaryn densaýlyqqa paıdaly ári jaıly ótkize alady. Sońǵy jyldary Astanada 750-den astam aýlalar men qoǵamdyq keńistikter (saıabaqtar, skverler, býlvarlar) abattandyryldy, dep habarlaıdy Egemen.kz qala ákimdiginiń resmı saıtyna silteme jasap.

Mysaly, osy jyly elordada Beıbitshilik jáne kelisim saraıy aýdanynda amfıteatr, qalanyń oń jaǵalaýyndaǵy taǵy bir jaıaý júrginshiler joly, «Vstrecha» saýda úıi janyndaǵy qoǵamdyq keńistik, «Beıbitshilik jáne kelisim» saıabaǵy, qala alańy jáne t.b. salyndy. Qaladaǵy ózgerister týraly qala ákimi Altaı Kólginov aıtyp berdi.

«Elorda turǵyndary men qonaqtary bos ýaqyttaryn qolaıly jáne densaýlyqqa paıdaly etip ótkize alatyn ashyq aspan astyndaǵy oryndardy qurý óte mańyzdy. «Astana-jaıly qala» master-jospary aıasynda biz jyl saıyn 250-ge jýyq aýla men qoǵamdyq keńistikti (saıabaqtar, skverler, býlvarlar) abattandyrdyq. Osylaısha, sońǵy jyldary 750-den astam aýlalar men qoǵamdyq keńistikter abattandyryldy.

Birneshe mysal keltireıin: Beıbitshilik jáne kelisim saraıynyń janyna amfıteatr saldyq-onda shyǵarmashylyq jastardyń, ártisterdiń jáne t.b. qoıylymdary ótedi; Baraev kóshesinde taǵy bir jaıaý júrginshiler promenady abattandyryldy, kóshe sporty kolızeıi ashyldy, kópir mańyndaǵy keńistikter abattandyryldy. Oń jaǵalaýda biz birinshi jaıaý júrginshiler promenadyn, ortalyq saıabaqty, sýburqaqtary bar qalalyq alańdy, «Teatralnyı» býlvaryn («Jastar» saraıynan jas kórermenniń mýzykalyq teatryna deıin), jaǵalaýdy jáne t.b. ózara biriktirdik», dep atap ótti Altaı Kólginov.

Sondaı-aq Astana ákimi abattandyrý kezinde turǵyn úı alaptaryna erekshe nazar aýdarylatynyn atap ótti. Tek turǵyn alaptarynda 300-ge jýyq aýla men qoǵamdyq keńistik abattandyryldy, Kóktal qalasynda 16 gektarǵa saıabaq salyndy.

Qoǵamdyq keńistikter men aýla aýmaqtarynda árkim óz qalaýy boıynsha aınalysatyn is tabady: basketbol/fýtbol alańdary, workout-aımaqtar, tynysh demalýǵa arnalǵan aımaqtar, átkenshekter, shyǵarmashylyq óner kórsetýge arnalǵan sahnalar, skeıt-aımaqtar jáne t. b.

Sońǵy jańalyqtar

Uqsas jańalyqtar