Bilim forýmyn IAAR bas dırektory Alına Jumaǵulova sharany ashty. О́z kezeginde spıkerbilim berý júıesiniń jahandyq syn-qaterlerine toqtalyp, bilim berý salasyndaǵy yntymaqtastyq pen mádenı almasýdyń mańyzyna erekshe toqtalyp ótti.
QazUÝ-dyń basqarma tóraǵasy – rektorJanseıit Túımebaev transulttyq ózara is-qımyl jáne joǵary bilim berý sapasyn qamtamasyz etýde forým taqyrybynyń ózektiligine toqtaldy. Spıkerdiń aıtýynsha, búgingi tańda zertteý ýnıversıteti bilim men ǵylymnyń kóptarmaqty máselelerin sheshýge qabiletti model bolyp tabylady. «Qazirgi ýaqytta Ál-Farabı atyndaǵy QazUÝ makro deńgeıde bilim berý jáne ǵylymı-ınnovasııalyq qyzmet nátıjelerine qol jetkizýge baǵyttalǵan damý baǵdarlamasyn iske asyrýda.Bizdiń ýnıversıtet QS jahandyq reıtınginde álemdegi eń úzdik ýnıversıtetter arasynda 150-orynda, sondaı-aq ulttyq jáne halyqaralyq reıtıngterde aldyńǵy oryndardan kórinýde. Oqý ornynyń bilim berý jáne ǵylymı áleýetin eskere otyryp, biz Qazaqstanda álemdik deńgeıdegi zertteý ýnıversıteti modelin qurýdamyz», – dedi rektor.
Ýnıversıtet ǵylymynyń eldiń áleýmettik-ekonomıkalyq damýyna qosqan úlesin arttyrý úshin ǵylym men bilim berýdiń naqty ıntegrasııasyna baǵyt alyndy. Búginde ýnıversıtettik bilim berýdiń perspektıvalyq modeli qalyptasýda: oqý ornynda 500-den astam bilim berý baǵdarlamasy iske asyrylýda, 137 bilim berý baǵdarlamasy QS by Subject reıtınginde 500tobyna kirdi.
Forým barysynda Parlament Senatynyń tóraǵasy Máýlen Áshimbaevtyń quttyqtaý hatyn senator Baqytjan Jumaǵulov oqydy. Búginde adamı kapıtal men bilim sapasy ulttyq kún tártibiniń basty basymdyǵy. «Qazaqstannyń ulttyq bilimi qazirgi zamanǵy trendterge sáıkes damyp, básekege qabiletti jáne synı turǵydan oılaıtyn, eńbek naryǵynyń qazirgi zamanǵy talaptaryna beıimdelgen qajetti kásibı quzyrettilikke ıe adamdardy qalyptastyrýy mańyzdy», – delingen quttyqtaýda.
Jıynda sóz alǵan Ǵylym jáne joǵary bilim mınıstri Saıasat Nurbek joǵary bilim sapasyn arttyrý jolyndaǵy maqsat-mindetterge nazar aýdardy. Vedomstvo basshysy forým qatysýshylaryna kóptegen máselelerdi alqaly túrde pysyqtaýdy usyndy. Onyń qataryndajoǵary bilimniń qandaı modelin, atap aıtqanda:áleýmettik tegin, táýelsiz nemese aralas túrin engizý máselesin atady. «Demografııalyq serpilis, bilim alýshylar sanynyń artýy onlaın-bilim berý kontentin jáne sıfrlandyrýǵa qol jetkizýdi qajet etti», – dedi mınıstr.
Shara aıasynda mınıstr Saıasat Nurbek QazUÝ-dyń nanospýtnık zerthanasy, Jerdi qashyqtyqtan zondtaý ortalyǵy, «Keremet» stýdentterge qyzmet kórsetý ortalyǵynyń jumysymen tanysty.
|Forýmnyń plenarlyq otyrysyndaTájikstannyń VI saılanǵan Májilis depýtaty Gúlzoda Qurbonálı, Qyrǵyz Respýblıkasy Bilim jáne ǵylym mınıstriniń orynbasary Rasýl Abazbek, IAAR Baıqaý keńesiniń tóraıymy, keńes tóraǵasynyń orynbasary Birǵanym Áıtimova,Joǵary oqý oryndary qaýymdastyǵynyń prezıdenti Rahman Alshanov, Dúnıejúzilik medısınalyq bilim berý federasııasynyńprezıdenti Devıd Gordon, Joǵary bilim sapasyn qamtamasyz etý jónindegi Eýropalyq reestr prezıdenti Karl Dıtrıh, Joǵary bilim berýdegi sapany qamtamasyz etý jónindegi Eýropalyq qaýymdastyqtyń dırektorlar keńesiniń múshesi, Joǵary bilim sapasy jónindegi agenttik (AIKA)dırektory Iolanta Sılka sóz sóılep, álemdik bilim, ǵylym keńistigi tóńireginde pikir bildirdi.
Akkredıtteý jáne reıtıng táýelsiz agenttigi (IAAR) uıymdastyrǵan iri halyqaralyq forým sandyq transformasııa jaǵdaıynda bilim berý salasyndaǵy úzdik tájirıbeni talqylaý jáne almasý alańyn qurýǵa baǵyttaldy.
ALMATY
