Astanada 130-ǵa jýyq aýyl sharýashylyǵy óndirýshileri men qaıta óńdeý kásiporyndary 1 200 tonnaǵa jýyq ónim usyndy, onyń ishinde et jáne et ónimderi, kókónister, kartop, sút, nan-toqash ónimderi, jemister men baqsha ónimderi, bal, jemis shyryndary, konservilengen ónimder, jumyrtqa bar.
Atalǵan jármeńke aýyl sharýashylyǵy óndirýshilerine óz ónimderin deldalsyz tikeleı tutynýshylarǵa satýǵa múmkindik berdi, nátıjesinde mundaǵy ónimderdiń baǵasy naryqtyq baǵadan 10-20% tómen.
«Men 72 jasta bolsam da, jármeńkelerge únemi baramyn. Árqashan sút, qaımaq, súzbe satyp alamyn. Úı taǵamdaryn jaqsy kóremin. Mundaǵy ónimder jańadan kelgen jáne baǵasy da arzan. Zeınetkerlerge budan artyq ne kerek?», deıdi elorda turǵyny Nadejda Samolıanova.
Sonymen qatar, eki oblystyń ártisteri men shyǵarmashylyq ujymdary is-shara qonaqtaryna konserttik baǵdarlama daıyndady.
Aıta ketsek, jármeńkeler 30 qazanǵa deıin ár senbi jáne jeksenbi kúnderi ótedi.
О́tetin orny: Turan dańǵyly, 48 mekenjaıyndaǵy «Astana-Arena» stadıonynyń janyndaǵy alań.
Aldaǵy aptada, ıaǵnı 15-16 qazanda Pavlodar oblysynyń kásipkerleri óz ónimderin usynady.
