«Qurǵaq shóp janyp jatyr. Qatty jel birneshe mınýt ishinde jalyndy mekemeniń birine tıesili 110 sharshy metr aýmaqta sporttyq jabdyqtary bar 7 konteıner ornalasqan aýmaqqa taratty. О́rt 48 sharshy metr aýmaqtaǵy jeke turǵyn úıge de tarady. Qurbandar men zardap shekkender joq. Oqıǵa ornyna ShQO TJD kúshteri - jeke quramnyń 39 adamy men 5 birlik tehnıka, Ulttyq ulannyń 50 adamy men 2 birlik tehnıka jumyldyryldy. Saǵat 22:15-te órt oqshaýlandy. Zardap shekkender joq, órttiń sebebi anyqtalýda», dep habarlady TJD.
Sonymen qatar, búgin О́skemende Pýtevaıa kóshesinde maı zaýytynyń aýmaǵynda órt boldy. ShQO TJD О́rt sóndirý bólimsheleri kelgen kezde qazandyq, seh shatyrynyń aǵash konstrýksııalary, kólemi 40 tekshe metr jáne 70 tekshe metr kúnbaǵys qabyǵy bar 2 býnker órtendi.
О́rt sóndirýshilerdiń jumysy joǵary dárejede júrgizildi. О́rt sóndirýshilerdiń úılesimdi is-qımyldarynyń arqasynda órtti shamamen 150 sharshy metr aýmaqta oqshaýlaýǵa múmkindik týdy. О́rtti sóndirýge jeke quramnyń 47 adamy men ShQO TJD 10 tehnıkasy jumyldyryldy. О́rttiń sebebi anyqtalýda. Qurbandar men zardap shekkender joq.
