Aksııaǵa qoǵamdyq uıymdardyń ókilderi, azamattyq belsendiler men eriktiler qosyldy. О́z kezeginde almatylyq stýdentter EcoStudentKZ respýblıkalyq jobasyna qoldaý bildirdi.
Senbiliktiń aldynda qalanyń Tótenshe jaǵdaılar departamentiniń mamandary jastardy taýly jerlerdegi qaýipsizdik sharalarymen tanystyryp, erejeler boıynsha nusqaýlyq ótkizdi.
Belsendiler qaladaǵy eń tanymal týrıstik oryndardy – Kókjaılaý ústirtin, Butaqty, Kazachka, Kimasar jáne Prohodnoe shatqaldaryn tazalaý jumystaryn júrgizdi. Bıylǵy toǵyz aıda Ile Alataý ulttyq parkine 630 myńǵa jýyq adam kelgen. Senbilikke qatysýshylar 35 tonnadaı qoqys jınap, Medeý aýdanynda 250 alma aǵashyn otyrǵyzdy.
Qalalyq jastar saıasatyn damytý memlekettik qorynyń dırektory Azız Qajdenbek osyndaı jaqsy bastamanyń jalǵasy bolý kerek ekenin atap ótti. Onyń aıtýynsha, qorshaǵan ortaǵa qamqorlyq bir ǵana aksııa aıasynda shektelmeýge tıis, tazalyq, ekologııa máseleleri qalanyń árbir turǵynynyń jáne týrısterdiń únemi qaperinde bolýy shart. «Sebebi tazalyq óz ólkesine degen qamqorlyq ta adamnyń ózinen bastalady», deıdi qor basshysy.
Ekologııalyq senbilik tabıǵatqa qamqorlyq tanytyp júrgen jastardy biriktirýge, qorshaǵan ortany qorǵaý jáne ekologııalyq týrızmdi damytý máselelerine nazar aýdarýǵa arnalǵan.
ALMATY
