«QR Úkimetiniń rezervinen «Otbasy banki» turǵyn úı qurylys jınaq banki» aksıonerlik qoǵamyna aldyn ala jáne aralyq turǵyn úı qaryzdaryn berý úshin bıýdjettik kredıt berýge 49 mıllıard 900 mıllıon teńge bólinsin», delingen qujatta.
Túsindirilgendeı, joba QR Indýstrııa jáne ınfraqurylymdyq damý mınıstrliginiń ózge de bıýdjettik baǵdarlamalary sheńberinde bólingen ıgerilmegen qarajat esebinen júzege asyrylady.
Qaýly jobasy 26 qazanǵa deıin qoǵamdyq talqylaý úshin Ashyq NQA saıtynda ornalastyrylǵan.
«Otbasy banki» AQ elimizde turǵyn úı qurylys depozıtterine salymshylardyń aqshasyn tartý jáne olarǵa turǵyn úı qaryzdaryn berý arqyly halyqtyń turǵyn úı jaǵdaılaryn jaqsartýǵa baǵyttalǵan turǵyn úı qurylys jınaqtary júıesin iske asyrady.
