Júk tasymaly júıeli

«Qorǵas – shyǵys qaqpasy» arnaıy ekonomıkalyq aımaǵy qura­myndaǵy 129 gektar aýmaq­qa salynǵan «Qurǵaq port» aı­la­ǵynyń elimizdiń ekono­mı­ka­lyq damýy men halyqaralyq tran­zıttik áleýetiniń artýyn­da alar orny erekshe. Bul joba búginde Qa­zaqstannyń eko­no­mı­kalyq kú­retamyryna aınal­dy. Qurǵaq aılaqqa Qytaı mem­leketi tarapynan tar tanap­ty 3, Qazaqstan tarapynan keń­jolaqty osynsha temir jol jelisi tartylyp, sońǵy birneshe jyldan beri kórshi elmen júk almasyp keledi. 2013 jyly salynǵan «Qurǵaq porttaǵy» eki el arasyndaǵy júk almasýdyń negizgi basqarýshy operatory – «RNZE-Ksrgos Gateway» JShS. Sońǵy alty aıda ǵana bul aılaqta 4,2 mlrd teńgeniń qyzmeti kórsetilgen.

Qurǵaq aılaqpen japsarlas­tyra 225 gektar aýmaqqa logıs­tıkalyq ortalyq salynyp, qoı­malarda myńdaǵan tonna júk saqtalyp, san tarapqa jónel­ti­le­di. Sonymen qatar 224 gektar jerge ındýstrııalyq aımaq ornalasqan. Ondaǵy alǵashqy óndiris oryndary iske kiristi. Iаǵnı arnaıy ekonomıkalyq aımaq qýatty óndiris oryn­da­ry­nyń órkendeýine de jol ashty. «Qorǵas – shyǵys qaqpasy» arnaıy ekonomıkalyq aımaǵynyń qurylysy jalpy birneshe ke­zeń­ge bólinip atqarylyp, birer jylǵa sozylady. Anyǵyn aıt­qan­da, munda qazir de san salaly qurylys júzege asyrylyp jatyr.

Jaqynda «Qurǵaq porttyń» ekinshi júk óńdeý kezeńi iske qosyldy. Buǵan deıin aılaqtan kún saıyn júk tıelgen 8-9 po­ıyz jiberilse, endi bul kórsetkish eki esege ósip, kún saıyn aılaqtan júk konteınerleri tıelgen 18-19 poıyz san tarapqa jol tartyp jatyr. QHR tarapynan keletin konteınerlerge tıelgen júktiń basym bóligi Ortalyq Azııa men Parsy shyǵanaǵy arqyly Eý­ro­pa­ǵa, taǵy da basqa shalǵaı shetelderge qysqa merzimde jet­ki­­ziledi. Solardyń qatarynda He­wiett Pacard, Toyota, DHL jáne taǵy basqa da álemge tanymal kóptegen kompanııa óz taýarlaryn osy jerden Ortalyq Azııa men Batys Eýropaǵa taratyp jatyr. Bul kompanııalar negizinen shetelderge ozyq úlgidegi jeńil jáne aýyr avtokólikter, basqa da qurylǵylar satady.

Ekinshi kezeńniń iske qo­sylyp, júk tasymalyn eki ese arttyrýy «Qurǵaq aılaq» qyz­metiniń shegi emes. Bolashaqta bul aılaqta poıyzdarǵa júk tıeý jumysy arta túspek. Iаǵnı el berekesine eselep tabys áke­letini sózsiz.

Jetisý oblysy