Úkimet • 15 Qazan, 2022

Úkimette sý sharýashylyǵy máseleleri talqylandy

351 ret

kórsetildi

1 mın

oqý úshin

15 qazanda, QR Premer-Mınıstri Álıhan Smaıylov Qazaqstannyń sý keńesiniń kezekti otyrysyn ótkizdi, dep habarlaıdy Egemen.kz Úkimettiń baspasóz qyzmetine silteme jasap.

Janbolat Kenjeǵul

Úkimette sý sharýashylyǵy máseleleri talqylandy

Onda Sý resýrstaryn basqarý júıesin damytýdyń 2023-2027 jyldarǵa arnalǵan tujyrymdamasynyń jobasy jáne Sý salasyn reformalaý jónindegi respýblıkalyq keńeske daıyndyq barysy qaraldy.

Máselen, 2023-2027 jyldarǵa arnalǵan tujyrymdama jobasynda sý sharýashylyǵy ınfraqurylymy men tabıǵı sý obektilerin qalpyna keltirý, sý únemdeýdi ekonomıkalyq yntalandyrý, monıtorıng júıesin damytý, kadrlar daıarlaýdy jaqsartý jáne t.b. is-sharalar kózdelgen.

Otyrys barysynda aldaǵy Respýblıkalyq keńeste eldiń sý qaýipsizdigin qamtamasyz etý boıynsha usynystar paketi qaralatyny atap ótildi. Atap aıtqanda, sý resýrstaryn basqarýdaǵy ǵylymnyń rólin arttyrý, sý zańnamasyn jetildirý jáne ulttyq jobalardy iske asyrý qaralmaq.

Bul máselelerdi talqylaýǵa sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, aýyl sharýashylyǵy vıse-mınıstri Ábilqaıyr Tamabek, ındýstrııa jáne ınfraqurylymdyq damý vıse-mınıstri Erkebulan Daýylbaev, Qyzylorda oblysy ákiminiń birinshi orynbasary Serik Qojanııazov, Halyqaralyq Araldy qutqarý qorynyń ókili Ámirhan Kenshimov jáne t.b. qatysty.