Osylaısha, EAEO elderiniń perımetrinde buzýshylyqtarmen («sur» sertıfıkattarmen) berilgen sertıfıkattarmen kúresý boıynsha is-sharalar jospary qabyldandy.
Premer-Mınıstrdiń orynbasary – saýda jáne ıntegrasııa mınıstri Serik Jumanǵarınniń aıtýynsha, qabyldanǵan qujat EAEO aktilerin pysyqtaýdy kózdeıdi, bul bir deklarasııaǵa, partııaǵa beriletin bir synaq hattamasyna júzdegen myń taýar ákelinetin jaǵdaılardy boldyrmaýǵa múmkindik beredi. Sondaı-aq sharalar tizbesi EAEO-ǵa múshe elderdiń zertteý hattamalarymen jedel almasýy úshin is-sharalar josparyn iske asyrýdy jáne hattamalardyń biryńǵaı tizilimin qurýdy qamtıdy.
«Qazirgi ýaqytta Eýrazııalyq ekonomıkalyq odaqtyń basqa elinde berilgen synaq hattamalaryn tekserý úshin osy memleketke suraý salyp, onyń jaýabyn eki aıǵa deıin kútý qajet. Biz kútken ýaqytta taýar naryqta satylyp bitedi. Jedel aqparat almasý kórshilerimizden hattamany 1-2 kún buryn rastaýǵa múmkindik beredi. Sonda biz «sur» sertıfıkattardy jyldam anyqtap, el naryǵyna yqtımal qaýipti taýarlardyń enýine jol bermeımiz», dep atap ótti Serik Jumanǵarın.
EAEO-nyń ónimge qoıylatyn mindetti talaptaryn onyń belgilengen talaptarǵa sáıkestigin ońtaılandyrý máselesin Qazaqstan bıyl Eýrazııalyq ekonomıkalyq komıssııa Keńesiniń naýryz aıyndaǵy otyrysynda kótergen bolatyn. QR Saýda jáne ıntegrasııa mınıstrliginiń málimetinshe, 2021 jyly qazaqstandyq ótinish berýshiler EAEO elderiniń birinde 25 myńǵa jýyq sertıfıkat aldy. Qazaqstanda uqsas ónimderge sáıkestikti baǵalaý úshin barlyq jaǵdaı jasalǵan. Osy máselege bastamashylyq jasaǵannan keıin birneshe aı ishinde EEK alańynda qazaqstandyq kásipkerlerdiń basqa elderde «sur» sertıfıkattar alý múmkindigin shekteıtin sharalar tizbesi daıyndaldy jáne osy qazan aıynda bekitildi.
Sondaı-aq EEK otyrysynda elektr energetıkasy naryǵy, taýarlardy sáıkestendirý quraldaryn krıptografııalyq qorǵaý, gaz, munaı jáne munaı ónimderiniń ortaq naryqtaryn qalyptastyrý, taýarlarmen elektrondyq saýda-sattyqty ákimshilendirýdiń biryńǵaı taldamalyq júıesin ázirleý jáne t.b. máseleler qaraldy. Kelesi otyrysty 2022 jyldyń 18 qarashasynda Máskeýde betpe-bet júzdesý formatynda ótkizý týraly sheshim qabyldandy.
