Memorandým aıasynda qazaqstandyq toǵyzqumalaq federasııasynyń Ulttyq sport túrleri qaýymdastyǵyna qosylýy týraly habarlandy. Sondaı-aq eki uıym arasyndaǵy áriptestik toǵyzqumalaqty damytýdy, salaýatty ómir saltyn qalyptastyrý boıynsha naqty is-sharalar josparyn ázirleýdi kózdeıdi.
Saltanatty rásimge Ulttyq sport túrleri qaýymdastyǵynyń prezıdenti Islambek Saljanov pen Dúnıejúzilik Toǵyzqumalaq Federasııasynyń prezıdenti Álıhan Baımenov qatysty.
«Búgin qol qoıylatyn qujattyń mánisi – Toǵyzqumalaq federasııasy Ulttyq sport túrleri qaýymdastyǵyna qosylady. Endi birlese otyryp, ultqa paıdaly talaı jobalardy júzege asyramyz dep oılaımyn. Bul kezdesý – ulttyq sport salasyndaǵy úlken ózgeristiń basy. Bilimdi, aqyldy, parasatty jastar – ult bolashaǵy. Al toǵyzqumalaq oıyny – jas urpaqqa ushqyr oılaýdy, strategııalyq josparlaýdy jáne tabandylyqty úıretedi», dedi qaýymdastyq basshysy Islambek Saljanov.
О́z kezeginde Dúnıejúzilik toǵyzqumalaq federasııasynyń basshysy Álıhan Baımenov bul basqosýdyń toǵyzqumalaqty damytýdaǵy mańyzyn atap ótti.
«Ulttyq sport túri retinde toǵyzqumalaqty damytý eki uıymnyń da maqsatyna kiredi. Al osy iste kúsh biriktirip, is-qımylymyzdy, sharalarymyzdy úılestirip ótkizýden, bir-birimizge qoldaý kórsetýden utatyn toǵyzqumalaq», dedi ol.
Taraptar qarasha aıynda Aqtóbede ótetin toǵyzqumalaqtan 6-shi Álem chempıonyn abyroımen ótkizý kerektigine toqtaldy. Ulttyq sport túrleri qaýymdastyǵynyń prezıdenti Islambek Saljanov dodaǵa qazaqstandyq sportshylardyn daıyndyǵyn jetildirý qajettiligine toqtaldy.
20-28 qarasha kúnderi ótetin álem birinshiligine Ulybrıtanııa, Chehııa, Germanııa, Latvııa, AQSh, Kolýmbııa, Antıgýa men Barbýda, Úndistan, Efıopııa, Rýmynııa, Ýkraına, Reseı, Qytaı, Túrkııa, Mońǵolııa, О́zbekistan, Qyrǵyzstan, Túrkmenstan, Tádjikstan, Ázerbaıjan men Moldovadan 80-ge jýyq sportyshylar qatysady dep josparlanǵan.
