Saryarqa sańlaǵy

Aqyn, dramatýrg Baıanǵalı Álim­jan júrgizgen is-sharaǵa ha­lyq­aralyq Alash syılyǵynyń ıegeri, aqyn Serik Turǵynbek, jýrnalıst, qoǵam qaıratkeri Janbolat Aýpbaev, Memlekettik syılyqtyń ıegeri, jazýshy Roza Muqanova, «Astana Aqshamy» gazetiniń bas redaktory, jýrnalıst Erkin Qydyr, taǵy basqa zııaly qaýym ókilderi qatysty. Qatysýshylar qalamgerdiń so­ńynda qalǵan shyǵarmashy­lyq muralary men asyl qasıetteri týraly tilge tıek etti. Sondaı-aq jıyn barysynda aqynnyń «Ǵıbratty ǵumyr» atty este­likter kitaby men «Vesna dýshı moeı» atty orys tiline aýda­ryl­ǵan óleńder jınaǵynyń tusaýy kesildi.

Áýezovtiń aldyn kórip, dári­sin tyńdaǵan tulǵany Aqmola, Astananyń abyzy dep tekke ata­masa kerek. Ýnıversıtette dıp­lomdyq jumysy «Abaı joly­nyń kórkemdik ereksheligine» baı­la­nysty bolyp, zańǵar jazýshydan baǵyt-baǵdar alyp, aqyl-keńesin tyńdaǵanynyń ózi bir tarıh. Ol týraly derekterge Baıanǵalı Álimjanov jaqsy toqtaldy.

Nurǵoja Oraz­­dyń alǵashqy jınaǵy 1964 jyly «Tuńǵysh kitap» ataýymen shyǵypty. Buǵan jalǵas «Kim tabady?», «Shuǵyla», «Kóńil kóktemi», «Tyń túlegi», «Qyrandar uıasy», «Tyń yrǵaqtary», «Ot keshken balalyq», «О́rimtaldar», «Saryarqa syrlary», «Máń­gi­lik mahabbat», «Dáýir dodasy», «Talqandalǵan tarıhat», «Qarakúıik», «Aı-Maral» sııaqty poezııa, proza, pýblısıstıkalyq birneshe kitaby jaryq kórgen.

Bul kisiniń shyǵarmashyly­ǵy­na Ǵafý Qaıyrbekov, Tuman­baı Moldaǵalıev, Raqymjan Qosh­qarbaev, Sábıt Dosanov, áde­bıet synshysy Baqyt Sarbalaev toqtalyp, jyly lebiz bildirgeni aıtylady. Al táýelsizdik jyldary jazylǵan «Qarakúıik» romanyna professor Tursyn­bek Kákishev arnaıy toqtalyp, oń baǵasyn berdi.

Egemendik jyldary el eńse­sin kóterip, azattyq rýhyn jań­ǵyrtýǵa úles qosqan qalamgerdiń eńbegi jeke toqtalýdy qajet etedi desek, qatelespeımiz. O basta Alash arystary ashyp bastaǵan «Saryarqa» jýrnalynyń ǵumy­ry keltesinen qıylǵany tarıhtan belgili. Atalǵan jýrnaldyń óne­gesin jalǵastyrýǵa kirisken Nurǵoja Oraz Qazaqstan azattyq alǵan boıda «Jańa Saryarqa» jýrnalyn shyǵaryp, ult upaıyn túgendeýge úles qosty. Basylym týraly kezinde Ábish Kekilbaı­uly «Men osy kezde «Saryarqa» jýrnalynyń kóptegen sanyn oqyp úlgerdim. О́te qyzyq basylym. Saryarqa aımaǵyn­da­ǵy ádebıetshilerimizdiń basyn qosyp, osy ólkedegi buryn qaltarysta qalyp kelgen kópte­gen tarıhı jaıtty, oqıǵany, ót­ken zamannyń qaıratkerlerin, olar­dyń halyqtyń zerdesinde qalǵan muralaryn tiriltýde óte tıimdi qyzmet istep jatyr eken», dep jazdy.

Ult rýhanııaty úshin ter tók­ken qalamgerdiń esimi elimen birge jasaı beredi, endeshe.