Almatydaǵy «Medeý» bıik taýly kesheniniń alańynda Respýblıka kúnine oraılastyrylǵan «Patrıotızm daýysy» aksııasy uıymdastyryldy. Aksııa aıasynda Memlekettik týdy kóterý jáne Ánuran oryndaýdyń saltanatty rásimi ótti.
Is-sharaǵa Almaty ákimi Erbolat Dosaev, qoǵam qaıratkerleri, máslıhat depýtattary, stýdentter men áskerı qyzmetshiler qatysty.
Qala turǵyndary memlekettik Ánurandy qalanyń barlyq aýdandarynda oryndady. Merekelik is-sharalar «Qyran elim – Qazaqstan» fleshmobyna ulasty.
Aıta ketsek, saǵat 17:00-de «Astana» alańynda qazaqstandyq estrada juldyzdarynyń qatysýymen merekelik konsert bastaldy. Konsertten keıin keshki saǵat 21:30-da merekelik otshashý bolady.
