Almaty shyǵarmashylyq bıýrosynyń ujymy men Q88 ýrbanıster qaýymdastyǵymen birlesip, Aqtóbe oblysy ákimdiginiń bastamasymen qala ortasyn jaqsartý boıynsha kreatıvti jobalardy iske asyrýda. Olardyń biri Aqtóbe qalasyndaǵy kópqabatty úılerge qabyrǵa sýretterin jasaý. Sóıtip, oblys ortalyǵyndaǵy úılerdiń birinde Qazaqstannyń eńbek sińirgen qaıratkeri ǵana emes, álemdik mýzyka óneriniń maıtalmany atanǵan qazaq ánshisi Dımash Qudaıbergenniń alyp beınesi paıda boldy.
Sýretshiler Dımashtyń Aqtóbe qalasynda týǵanyna baılanysty onyń mýralyn týǵan jerinde salýdy jón kórdi. Ánshiniń shyǵarmashylyǵy men jetistikteri Almaty shyǵarmashylyq bıýrosynyń komandasyn jáne Q88 Urban qaýymdastyǵyn pop-art stılinde eskız jasaýǵa shabyttandyrdy.
«Mýraldy salý barysynda sýretshiler ystyq temperatýrada buzylmaıtyn graffıtıge arnalǵan arnaıy spreı boıaýlaryn paıdalandy. Sondyqtan qabyrǵa sýreti qala turǵyndaryn múmkindiginshe uzaq ýaqyt boıy qýantady. Keskinniń bıiktigi 9 qabattan joǵary, 18 metrden kem emes», deıdi jobanyń bastamashylary.
Avtorlar Dımashtyń tulǵasyna baılanysty jylýlyq, pozıtıvtilik jáne jaqsy emosııalarǵa toly jarqyn kompozısııa aýa-raıynyń eń qatal kúnderinde de qala turǵyndaryn qýantady dep senedi.
