Oqý-aǵartý mınıstrligi qoldanystaǵy buıryqqa tolyqtyrýlar engizýdi usyndy. Bul rette túsi, stıli jáne basqa da bólshekteri mektep ákimshiligimen kelisilýi tıis.
Orta bilim komıtetiniń tóraǵasy Gúlmıra Kárimova mektep formasyna qoıylatyn talaptar ózgermeıtinin aıtty. Bul ata-analar men oqýshylarǵa qosymsha tańdaý múmkindigin ǵana beredi. Máselen, komıtet tóraǵasy atap ótkendeı, balama retinde mektepke yńǵaıly kıimmen kelýge ruqsat berý usynylady. Alaıda dástúrli mektep formasynyń stıli ózgerissiz qalýy qajet ekenin atap ótý kerek.
«Bul sheshim mektep ákimshiligimen birlesip qabyldanady. Jańa tolyqtyrýlar kelesi jyly kúshine enedi. Biraq bul mektepter bekitilgen talaptardy mindetti túrde qaıta qaraýy kerek degendi bildirmeıdi», dep túıindedi Gúlmıra Kárimova.
Buǵan deıin ata-analar mundaı múmkindikti qarastyrý týraly ótinish bildirgen edi.
