Osy jyldyń 10 aıynda azyq-túlik ınflıasııasy 20,5%-ǵa jetken. О́tken aıdyń qorytyndysy boıynsha áleýmettik mańyzy bar azyq-túlik taýarlaryna baǵanyń ósýi 0,8%-dy qurady. Atap aıtqanda, jumyrtqa 7,6%-ǵa, un 3,9%-ǵa, kúrish 3%-ǵa, sút 2,2%-ǵa qymbattady. Sonymen qatar bir apta ishinde sábiz (0,8%), kartop (0,6%), qant jáne qyryqqabat (0,1%) quny tómendegen.
Azyq-túlik ónimderiniń kólemine baǵany turaqtandyrý úshin astyqty, jemshóp bazasyn jáne kúnbaǵys maıyn arzandatý máselesi josparlanýda. Bul rette jumyrtqa, ósimdik maıy, kúrish sııaqty jekelegen taýar pozısııalary boıynsha naryq sýbektileriniń josyqsyz áreketteri baıqalady.
«Abaı oblysyna barǵan kezde Semeıden 200 shaqyrym jerde ornalasqan qus fabrıkalary jumyrtqany ondyǵyna 360-380 teńgeden satqan, al sońǵy satyp alýshyǵa ol 600 teńgeden ótkizilgeni anyqtaldy. Osyǵan baılanysty monopolııaǵa qarsy áreket etýdiń shuǵyl sharalaryn qabyldaý qajet. Sonymen qatar sońǵy kezderi baspasózde jekelegen taýar óndirýshilerdiń aldaǵy ýaqytta baǵanyń kóteriletini týraly málimdemeleri jarııalanýda. Bul rette tıisti túrde áreket etý qajet», dedi Saýda jáne ıntegrasııa birinshi vıse-mınıstri Arman Shaqqalıev.
Aýyl sharýashylyǵy mınıstri Erbol Qarashókeev qyzanaq, qııar jáne jumyrtqa baǵasynyń ósý sebepterin taldaý qorytyndylary, sondaı-aq olardyń baǵasyn turaqtandyrý jónindegi yqtımal sharalar týraly baıandady. Ol keıbir taýar óndirýshiler memlekettik sýbsıdııalaý kólemin ulǵaıtýdy suraıtynyn atap ótti.
«Bıyl aýyl sharýashylyǵyn sýbsıdııalaý eki esege ulǵaıtyldy, biraq ony alatyndardyń azyq-túlik baǵasyn 20%-ǵa kótergenin kórip otyrmyz. Mundaı jaǵdaıǵa kóne almaspyz. Eger biz sýbsıdııa bersek, onda olar qarsy mindettemeler qabyldaýy kerek. Sýbsıdııalaý júıesi naqty jumys isteýi tıis», dedi Álıhan Smaıylov.
Sonymen qatar Premer-Mınıstr azyq-túlik baǵasyn turaqtandyrý boıynsha memlekettik organdardyń qyzmetine qatysty mańyzdy máseleler bar ekenin atap ótti.
Onyń aıtýynsha, qyzmetin qaıta formattaý tapsyrylǵan baǵa belgileý tizbegin tergeý jónindegi óńirlik komıssııalardyń jumysynan áli de nátıje joq jáne kókónis saqtaý qoımalary boıynsha derekter bazasyn ózektendirý júrgizilmegen.
«Bul – ákimdikterdiń álsiz jumysynyń jáne Aýyl sharýashylyǵy, Saýda jáne ıntegrasııa mınıstrlikteri tarapynan úılestirýdiń jetkiliksizdiginiń nátıjesi. О́z mindetterin tıisinshe oryndamaǵany úshin atalǵan óńirler ákimderiniń jetekshilik etetin orynbasarlaryn tártiptik jaýapkershilikke tartýdy tapsyramyn», dedi Á. Smaıylov.
Premer-Mınıstr Saýda jáne ıntegrasııa mınıstrligine osy baǵytqa jetekshilik etetin laýazymdy tulǵalardy tártiptik jaýapkershilikke tartýǵa usynys engizýdi, sondaı-aq Saýda komıtetiniń tóraǵasyn qyzmetinen bosatýdy tapsyrdy.
