Din qaıratkeriniń tálimi

Almaty qalasynda «Islam áleminiń qasıetti oryndary» (orys tilinde – «Svıatynı Islamskogo Mıra») kitabynyń tusaýkeseri boldy. Kitap avtory belgili dintanýshy, qalamynan birneshe ǵylymı eńbekter týyndaǵan Amankeldi Ábdihalyq. Ol – 2007 jyldan beri «Nur-Qazaqstan» qajylyq kompanııasynyń prezıdenti. 2011 jyly halyqtar arasyndaǵy birlik pen yntymaqtastyqty nyǵaıtyp, ımandylyq salasynda júrgizgen eńbegi úshin halyqaralyq «Ata Túrik» altyn medalimen marapattalǵan. Bul tusaýkeserge elimizdiń Dinı basqarma ókilderi, tanymal sportshylar Jaqsylyq Úshkempirov, Ermahan Ibragımov, ánshiler Aqjol Meıirbekov, Roza Ál-Qoja, Jáken Omarov, qajylar men ár oblystardan kelgen qonaqtar qatysty. Bul kitapta Saýd Arabııasy men Palestına aımaǵyndaǵy kıeli oryndar keńinen sıpattalǵan. Mekke, Mádına jáne Ierýsalım qalalarynyń baı tarıhy, olardyń Islam dúnıesindegi ártúrli tarıhı kezeńderde bolǵan ózgeristeri jóninde baıandalady. Sonymen qatar, bul kitapta avtordyń eńbek jolynda ózi kórip kýá bolǵan ónegeler men qajylardyń estelik maqalalary berilgen. Atalmysh eńbek din mamandary men ımam­darǵa jáne kópshilik qaýymǵa arnalǵan.  Qaısar SERDÁLIN. ALMATY. Sýrette: qazaqsha, oryssha kitap muqabasynyń sýreti.