Keńes jumysyna óńirlik onkologııalyq Densaýlyq saqtaý uıymdarynyń basshylary, jetekshi onkologtar, QR DSM-niń shtattan tys bas onkology, vıse-mınıstrler jáne mınıstrliktiń qurylymdyq bólim basshylary qatysqan.
QR DSM-niń shtattan tys bas onkology, akademık, «Qazaq onkologııa jáne radıologııa ǵylymı-zertteý ınstıtýty» AQ Basqarma tóraǵasy D. Qaıdarovanyń baıandamasyna sáıkes 2022 jyldyń 9 aıynda Qazaqstan Respýblıkasy boıynsha syrqattanýshylyqtyń ósýi 4,6%-dy qurap, onkologııalyq aýrýlardan ólim-jitim 8,5%-ǵa tómendegen.
Aýrýshańdyq qurylymynda jetekshi orynda: sút bezi obyry, ókpe obyry, toq ishek obyry, asqazan obyry, jatyr moıny obyry. О́lim-jitim qurylymynda jetekshi orynda: ókpe obyry, asqazan obyry, toq ishek obyry, sút bezi obyry, uıqy bezi obyry.
Sondaı-aq qaterli isikterdiń aýyrtpalyǵyn tómendetý boıynsha onkologııalyq kómekti damytýdyń 2023-2025 jyldarǵa arnalǵan tujyrymdamasy bes baǵyt boıynsha talqylandy: táýekel faktorlarynyń aldyn alý jáne basqarý, joǵary tıimdi erte dıagnostıka, mamandandyrylǵan emdeýdi damytý, pallıatıvtik kómek jáne ońaltý, ǵylym men kadrlyq áleýetti damytý.
Tujyrymdama profılaktıkany jetildirýge, radıologııalyq jáne zerthanalyq-dıagnostıkalyq jabdyqtardy jańǵyrtýǵa, sıfrlyq mammograftar, sáýlelik apparattar men beıneendoskoptar parkin jańartýǵa, az ınvazıvti hırýrgııanyń zamanaýı apparattarymen jáne operasııalyq-reanımasııalyq jabdyqtarmen jaraqtandyrýǵa, isikke qarsy preparattardyń spektrin keńeıtýge, joǵary mamandandyrylǵan kadrlardy daıarlaýǵa, sondaı-aq jumys istep turǵan ortalyqtardy salý jáne rekonstrýksııalaý máselelerine baǵyttalǵan.
Úılestirý keńesiniń qorytyndysy boıynsha mınıstr erte kezeńderde qaterli isikterdi anyqtaýdy kúsheıtý, óńirlerdegi ahýaldyq ortalyqtardyń «jasyl dáliz» monıtorıngi boıynsha jumysy jóninde birqatar tapsyrma berdi.
Sondaı-aq qarasha aıynyń sońyna deıin halyqqa onkologııalyq kómekti jetildirýdiń 2023-2025 jyldarǵa arnalǵan keshendi josparyn ázirleý tapsyryldy.
