«Jaqsylyq arıfmetıkasy» oqý ortalyǵynda jasóspirimder básekege qabiletti, sapaly bilim alady.
Onyń ashylý saltanatyna Astana ákiminiń orynbasary Eset Baıken, elordalyq basqarmalardyń basshylary jáne Saryarqa aýdany ákimdiginiń ókilderi qatysty.
Eset Baıken mundaı mekemelerdiń sanyn kóbeıtý qajet ekenin atap ótti.
«Bizdiń qalamyzda 200 myń bala oqıtyn 150-den astam qosymsha bilim berý ortalyǵy bar. Alaıda, elordanyń keıbir aýdandarynda olar áli de jetispeıdi. Atap aıtqanda, jańa ortalyq ornalasqan Saryarqa aýdanynyń turǵyndarynan buryn balalarǵa arnalǵan demalys mekemeleriniń jetispeýshiligi týraly kóptegen ótinishter kelip túsken. Mundaı ortalyqtardyń ashylýy qajyrly eńbek pen shydamdylyqty qajet etedi. Bul máseleni tek óz kásibin jaqsy kóretin janqııar adamdar ǵana qabyldaı alady. Elordada osyndaı ortalyqtardyń ashylýy jalpy bilim berý júıesi salasynda óte tıimdi», dep tolyqtyrdy ákimniń orynbasary.
Jańa ortalyqtyń dırektory Uljan Myrzaǵalıeva mekemeniń ashylýyna jáne onyń jumysyn jandandyrýǵa úlken qoldaý kórsetken Astana ákimdigine alǵysyn bildirdi.
«Jańa ortalyqtyń maqsaty-kópbalaly jáne az qamtylǵan otbasylardan shyqqan balalardy tegin jáne 50 paıyzdyq jeńildikpen oqytý. Munda 300-ge deıin adam oqı alady. Ortalyqtyń baǵdarlamasynda 10 pán bar. Qala ákimdiginiń qoldaýymen biz jumysqa qajetti qyzmetkerler sanyn qabyldadyq. Sonymen qatar, bizge jańa ortalyq úshin ǵımaratty qolaıly baǵamen jalǵa alýǵa múmkindik berildi», deıdi Uljan Myrzaǵalıeva.
Ashyq oqý ortalyǵynyń syıymdylyǵy-350-400 oryn. Bilim berý nysany «Jaqsylyq arıfmetıkasy» Qoǵamdyq qory men Astana qalasy ákimdiginiń qoldaýymen ashyldy. Toǵyzqumalaq, robototehnıka, mentaldyq arıfmetıka, vokal úıirmeleri bar. Siz sondaı-aq, logoped mamanynyń qyzmetterin paıdalana alasyz.
