«Atyraý alqaby – tabıǵı baılyǵymen qatar tarıhı muralarymen de tanymal ólke. О́ńirde myńdaǵan jyl boıy ozyq órkenıetter bolǵan. Bul jerden tabylǵan «Altyn adam» – sonyń bir aıǵaǵy. Kóneniń kózindeı Saraıshyqta ataqty handarymyz ordasyn tikken. Shahar kezinde eń iri jáne eń damyǵan qalalardyń biri bolǵany barshaǵa málim», dedi óńirge barǵan saparynda.
Sondaı-aq Imanqara úńgiri men Aqmeshit qorymy - qazaqtyń san qıly shejiresi ekenin de atap ótti.
«Osy aımaqtan Isataı men Mahambetteı batyrlar, Murat pen Shernııazdaı aqyndar shyqqan. Bul ólke qazaq rýhanııatynda orny bar aqyn-jazýshylarymen, zııaly azamattarymen tanymal. Ánuranymyzdyń avtory Jumeken Nájimedenov – osy óńirdiń týmasy. Sonymen qatar, Ábý Sársenbaev, Hamıt Erǵalıev, Zeınolla Qabdolov, Farıza Ońǵarsynova, Qarshyǵa Ahmedııarov, Raqymjan Otarbaev jáne basqa da birtýar tulǵalardy atap ótýge bolady».
Jıyn barysynda Prezıdent Qazaqstannyń Eńbek Eri Ilıa Jaqanovtyń eńbegin aıtyp óte, maqtan tutatynyn jetkizdi.
«Bárimiz bul asa kórnekti kompozıtor, jazýshy, ónertanýshy tulǵany maqtan tutamyz. Qaımaǵy buzylmaǵan qazaqtyń baıyrǵy mekeni qaı jaǵynan alyp qarasaq ta, qarqyndy damyp kele jatyr. Biz memlekettik saıasatta «Qýatty óńirler – qýatty el» qaǵıdatyn ustanamyz», dedi Qasym-Jomart Kemeluly.
