Finprom.kz deregi boıynsha 2021 jyldyń uqsas kezeńinde bilim berý salasyndaǵy ınvestısııalar 146,9 mlrd teńgeni qurady.
О́ńirlik bóliniste ınvestısııalardyń eń kóp kólemi dástúrli túrde Almaty qalasynda boldy: 61,7 mlrd teńge. Kóshbasshylar úshtigine Túrkistan oblysy (33,9 mlrd teńge) jáne Shymkent (22,3 mlrd teńge) kirdi.
Eń tómengi kórsetkishter Ulytaý oblysynda tirkeldi: barlyǵy 337,7 mln teńge. Antılıderlerdiń úshtigine Qaraǵandy jáne Aqtóbe oblystary da kirdi.
Bilim berý salasyndaǵy ınvestısııalardyń úshten ekisine jýyǵy, ıaǵnı 136,5 mlrd teńge jergilikti bıýdjet esebinen qamtamasyz etildi, bul ótken jylmen salystyrǵanda 64,9%-ǵa artyq.
Buǵan deıin Úkimet bilim berýdi damytýdyń 2022-2026 jyldarǵa arnalǵan jańa tujyrymdamasyn bekitti. Tujyrymdamada bilim berý sapasyn keshendi jaqsartý boıynsha birqatar is-shara kózdelgen. Osy rette bilim berýdegi qyzmetterdi sıfrlandyrý, oqýshy oryndarynyń jetispeýshiligin joıý, erekshe bilim berý qajettilikteri bar balalardy qoldaý, jańa fakýltatıvtik pánderdi engizý jáne mektepterde qosymsha seksııalar ashý, tehnıkalyq jáne kásiptik bilim berýdi damytý jáne basqa da jumystar jalǵasady.
