Solaryń biri Jambyl oblysynda bolǵan jantúrshigerlik apattan bastaldy. Aýa raıyna baılanysty qalyń tumannyń áserinen Audi 100 avtokóliginiń júrgizýshisi qaýipsizdikke salǵyrttyq tanytyp, temir jolǵa shyǵyp ketip, jolaýshylar poıyzymen soqtyǵysqan. Saldarynan oqıǵa ornynda júrgizýshi men onyń bes jolaýshysy qaza tapty.
3 qarashada Qostanaı oblysynda Áýlıekól – Joldama avtojolynda júrgizýshi Chevrolet Sobalt markaly avtokólikti basqara almaı, kıývetke aýdaryldy. Saldarynan úsh adam qaıtys bolǵan.
Osyǵan oraı mınıstrlik júrgizýshilerge habarlama joldady.
«О́zderińiz biletindeı, qarasha aıynan bastap soltústik aımaqtarda aýa raıy kúrt nasharlaıdy. Adamdar buǵan birden úırene almaıtyndyqtan qysqy jolda júrý kezinde aýa raıynyń júris rejımine áserin, jaýyn-shashyn kezinde kórinýdiń tómendeýin, sondaı-aq avtokóliktiń tejeý jolyn ulǵaıtatyn jáne oǵan áser etetin jol tóseminiń iliný qasıetteriniń ózgerýin eskerý mańyzdy ekenin eske salamyz.
Jaıaý júrginshilerge aınaladaǵy qozǵalysqa erekshe nazar aýdarýdy suraımyz. О́ıtkeni kólik quraly – ol tehnıka jáne kenetten toqtaı almaıdy, sondyqtan joldan ótkende júrgizýshi sizge jol bergenine kóz jetkizip, sodan keıin ǵana júristi jalǵastyryńyz. Qulaqqap, uıaly telefon jáne kapıýshon adamnyń nazaryna kedergi keltiretinin eskerińiz. Ishki ister mınıstrligi qyzmet ótkerý kezinde jeke quramǵa qıyn jaǵdaıda qalǵan adamdarǵa kómek kórsetýdi tapsyrdy. Sondaı-aq qys mezgiliniń bastalýyna baılanysty joldardaǵy kólik júrisi erekshe nazar aýdarýdy qajet etetinin eske salý qajet. Bul jerde de óz erejeleri men talaptary bar. Zańnamaǵa sáıkes qysqy kezeńde (jeltoqsan, qańtar, aqpan) qysqy shınalarmen jabdyqtalmaǵan kólik quraldaryn paıdalanýǵa tyıym salynady. Qysqy shınalar kólik quralynyń barlyq dóńgelekterine ornatylady. Avtokólik ıeleri aýa raıynyń ózgerýin muqııat qadaǵalap otyrýy kerek, eger olar nasharlasa, eldi mekenderden tys jerlerge shyǵýdy shekteýi kerek», dep habarlady QR IIM ÁPK-niń erekshe tapsyrmalar jónindegi aǵa ınspektory Aqtoty Boranova.
