«Boljam 2021 jyly ekonomıkanyń ósýi boıynsha qorytyndy derekterdi, álemdik ekonomıkanyń ósýi boıynsha halyqaralyq qarjy uıymdarynyń kórsetkishteri men eksporttyq taýarlardyń baǵalaryn eskere otyryp qalyptastyryldy. Halyqaralyq qarjy uıymdarynyń konsensýs boljamyna sáıkes, munaıdyń álemdik baǵasy 2022 jyly barreline 104,2 AQSh dollaryn quraıdy dep kútilýde. 2023 jyly álemdik ekonomıkanyń ósýi 3%-dy quraıdy», dedi Álibek Qýantyrov Senattyń jalpy otyrysynda.
Onyń aıtýynsha, boljam men bıýdjettik parametrlerdi qalyptastyrýdyń negizi retinde bazalyq ssenarıı alyndy. Mınıstrdiń boljamy boıynsha, bir barrel munaıdyń baǵasy 85 AQSh dollaryn quraıdy. Al JIО́-niń ortasha jyldyq naqty ósimi 3,9%-ǵa jetedi.
Inflıasııa 2023 jyly 7,5-9,5%, 2024 jyly 4-5%, 2025 – 2027 jyldary 3-4% deńgeıinde anyqtaldy.
«JIО́-niń naqty ósýi 2023 jylǵy 4%-dan 2027 jyly 4,2%-ǵa deıin jedeldetiledi dep kútilýde. Nomınaldy JIО́ 120,7 trln teńgeden 176,6 trln teńgege deıin ósedi. 2023 jyly munaı óndirý 92,6 mln tonnany qurap, 2027 jyly 99,9 mln tonnaǵa deıin ulǵaıady. Ulttyq banktiń boljamy boıynsha eksport 80,9 mlrd AQSh dollarynan 84,6 mlrd AQSh dollaryna deıin, ımport 45,7 mlrd AQSh dollarynan 53,5 mlrd AQSh dollaryna deıin ulǵaıady», dep tolyqtyrdy mınıstr.
