«Jyl basynan beri quqyq qorǵaý jáne arnaıy organdar 2,5 myńǵa jýyq esirtki qylmysyn anyqtady. Barlyǵy 12,7 tonna esirtki tárkilendi. Esirtki túrleri boıynsha: geroın – 33 kg, apıyn – 68 kg, sıntetıka – 507 kg, gashısh – 705 kg, marıhýanna – 4 tonnadan astam tárkilendi», dedi QR IIM esirtki qylmysyna qarsy is-qımyl departamenti basqarmasynyń bastyǵy Baqytjan Ámirhanov OKQ brıfınginde.
Sondaı-aq spıker esirtkini taratý Internet jáne elektrondyq tólem júıeleri arqyly júzege asyrylatynyn atap ótti.
«Zamanaýı tehnologııalar esirtkini belsendi taratýǵa yqpal etedi. Esirtki saıttarynyń negizgi bóligi «Kıbernadzor» aqparattyq júıesimen avtomatty túrde buǵattalady. Jyl basynan beri 2 myńǵa jýyq saıtqa kirý shektelgen, onyń ishinde Telegram messendjerinde 1,5 myń akkaýnt buǵattaldy. Internetti tolyǵymen jabý, adamdardy elektrondy aqsha aýdarý múmkindiginen aıyrý múmkin emes ekenin túsinemiz. Sondyqtan quzyretti organdar teńdestirilgen sheshimder keshenin ázirleý qajet. Sharalardyń biri Qazaqstanda eń tanymal onlaın-platformalar men tólem júıeleriniń menshik ıeleriniń ókildikteri men keńselerin keńeıtý bolýy múmkin. Osylaısha, biz olardyń qyzmetin zańnamamyzǵa súıene otyryp retteı alamyz», dep túsindirdi B.Ámirhanov.
