JEO-da qalpyna keltirý jumystary jónindegi shtab táýlik boıy jumys istep tur.
«JEO-da jóndeý-qalpyna keltirý jumystary kestege sáıkes júrgizilip jatyr. Qazirgi ýaqytta stansııaǵa agregattardyń jumysyn retteý úshin О́skemen jáne Sogra JEO energetıkteri keldi», dedi Danıal Ahmetov.
Qalpyna keltirý jumystary úshin JEO–ǵa «Tereze» jáne «VK Invest Injınırıng» kásiporyndarynyń 30 mamany qosymsha keldi.
«Jylý ortalyqtarynda №1, №3 ortasha qysymdy qazandyqtar jáne №6 joǵary qysymdy qazandyq jumys isteıdi. №4 joǵary qysymdy qazandyqty avtomattandyrý boıynsha jóndeý jumystary júrgizilýde. Jaqyn arada osy agregatty qalpyna keltirý jumystary aıaqtalady», dep qosty ákim.
Onyń aıtýynsha, qazirgi ýaqytta stansııada 260 tonna mazýt bar.
Eske sala ketsek, 5 qarashada saǵat 20:00-de «Rıdder-JEO» AQ-da kúl shyǵarý júıesindegi sorǵy isten shyǵyp, №1 qazandyq agregatynyń qosalqy jabdyǵy apatty túrde ajyratyldy.
11 qarashada «Rıdder JEO» negizgi qazandyǵyndaǵy apat joıyldy. Aldyńǵy kúni Rıdder jylý ortalyǵynyń №6 joǵary qysymdy qazandyǵynyń jumysy shtattan tys jaǵdaıǵa baılanysty toqtatylǵan edi.
