«Qańtar-qazan aılarynda Qazaqstan ekonomıkasynyń ósý qarqyny 2,5%-dy qurady. Onyń ishinde naqty sektordaǵy ósim - 2,8%-dy, al qyzmet kórsetý salasynda - 1,6%-dy qurady», dedi Álibek Qýantyrov.
Onyń aıtýynsha, bıyl elimizde aýyl sharýashylyǵy, aqparat jáne baılanys, qurylys, óńdeý ónerkásibi, saýda, kólik jáne qoımalaý salalarynyń kórsetkishteri ósti.
«Negizgi kapıtalǵa salynǵan ınvestısııalardyń ósý qarqyny 6,7%-dy qurady. Ekonomıkanyń negizgi salalary boıynsha ınvestısııalar aǵyny ónerkásipte - 4,1%-ǵa, onyń ishinde taý-ken óndirý ónerkásibinde - 13,7%-ǵa, sondaı-aq aýyl sharýashylyǵynda - 7,4%-ǵa, jyljymaıtyn múlikpen jasalatyn operasııalarda - 14,7%-ǵa, kólikte jáne qoımada - 8,5%-ǵa ósti», dep tolyqtyrdy mınıstr.
