Qazan aıynda birinshi sanattaǵy jumyrtqanyń baǵasy 6,3 paıyzǵa, al bıylǵy jyl boıynsha14,8 paıyzǵa ósti.
Bir aıda baǵanyń eń kóp ósýi Ulytaý (19,8 paıyz), Pavlodar (14,7 paıyz) jáne Qyzylorda (13,6 paıyz) oblystarynda baıqaldy. Al eń az kórsetkish Almaty oblysynda (0,4 paıyz) baıqalǵan.
Jyl ishinde jumyrtqa baǵasynyń aıtarlyqtaı ósýi Qyzylorda oblysynda (52,2 paıyz) baıqalady. Odan keıingi orynda Qostanaı (34,1 paıyz). Almatyda baǵa kerisinshe 4 paıyzǵa tómendepti.
Jyl basynan beri elimizde 3,8 mıllıard dana jumyrtqa óndirilgen. Bul bir jyl burynǵydan 5,3 paıyzǵa artyq. О́ndiris kólemi boıynsha oblystar arasynda Soltústik Qazaqstan kósh bastap tur – 559,9 mln dana jumyrtqa.
Resýrstardyń 3,7 paıyzyn ımport qurady. Jyl basynan beri elge 130,8 mıllıon dana jumyrtqa ákelindi. Bul rette eksport, kerisinshe, 2,2 esege ósip, 184,5 mln dana jumyrtqany qurady.
