Máselen, búgin Uıǵyr aýdanynda 38 saılaý ýchaskesi jumys istep tur. Aýdandaǵy saılaý quqyǵyna ıe turǵyndar sany 70 myńnyń ústinde eken. Qazirge deıin saılaýshylardardyń jartysyna jýyǵy óz tańdaýlaryn jasap úlgergen. Al oblys ortalyǵy Qonaev qalasyndaǵy saılaý ýchaskelerine tirkelgen turǵyndardyń 10-15 paıyzy daýys berdi.
Jalpy bul saılaý kúni tek daýys berý sátimen ǵana emes, túrli qyzyqty is-sharalarmen de este qalatyn sııaqty. Mysaly, Qonaev qalasyndaǵy «Tulpar» retrokólikter salonynyń ıesi, belgili kásipker Murat Sirgebaevtyń uıymdastyrýymen avtosherý ótti.
«Shahar mańynda ornalasqan «Tulpar» retro salonynyń kólikterin el Prezıdentiniń kezekten tys saılaýyna oraı avtosherýge alyp shyqtym. Barlyǵy 10 kólik sherýge qatysyp jatyr. Bul kólikter qaladaǵy barlyq saılaý ýchaskesin aralap shyqty», deıdi Murat Sirgebaev.
Aıtpaqshy, Kegen aýdanynda bir ǵasyrdan astam ómir súrgen ájeı Kúlpara Jýashqyz saılaý ýchaskesine kelip, daýys berdi. Ájeıdiń nemeresi Taqabaev Oljastyń ózi elýdi alqymdaǵan el aǵasy. Taqabaevtar áýleti ustazdar dınastııasy. Al ájeı mektepte talaı jyl dırektor bolyp qyzmet atqarǵan.
Jalpy Kegen aýdany boıynsha 34 saılaý ýchaskesi ashylǵan. Aýdan boıynsha 18608 saılaýshy bar.
