Aıda Balaeva Qazaqstan Respýblıkasy Ulttyq kitaphanasynyń ǵımaratynda ornalasqan №111 saılaý ýchaskesinde daýys berdi.
«Búgingi tańda azamattar belsendilik tanytyp, óz daýystaryn berýde. Bizdiń bolashaǵymyz Memleket basshysynyń júrgizip otyrǵan saıasatyna tikeleı baılanysty, sondyqtan elimizdiń bolashaǵyna beı-jaı qaramaıtyn azamattar búginnen bastap óz tańdaýyn jasaıdy. Men de solardyń birimin jáne óz tańdaýymdy jasadym», dedi Qazaqstan Respýblıkasy Prezıdenti Ákimshiligi basshysynyń orynbasary.
Aıda Balaeva eń bastysy eldegi tynyshtyq pen onyń turaqty damýy ekenin atap ótti.
«Saılaýda jeńiske jetken kandıdattyń, ıaǵnı Prezıdenttiń reformalary sátti júzege asyrylyp, halyqtyń úmiti aqtalǵanyn qalaımyn. Oń ózgerister Memleket basshysyna, barsha qazaqstandyqtarǵa baılanysty. Árbir azamat óz úlesin qosa alady», dep qosty ol.
