Máselen, Aqtóbe oblysynda qysqy dızel bir jylda 27,9%-ǵa, Abaı oblysynda 24,6%-ǵa jáne Shyǵys Qazaqstan oblysynda 24,4%-ǵa qymbattaǵan.
Bul rette Almaty, Jambyl, Jetisý oblystary men Shymkent qalasynda baǵalar ótken jyldyń qazan aıy deńgeıinde qaldy. Túrkistan oblysynda dızel 1,8%-ǵa arzandady.
Energyprom sarapshylary keltirgen derekterge qaraǵanda, 2022 jyldyń qańtar-qazan aılarynda Qazaqstanda 4,6 mln tonna dızel otyny óndirildi, bul ótken jylmen salystyrǵanda 9,7%-ǵa artyq.
Dızel otynynyń ımporty 23,8 myń tonnany, al eksporty 60,5 myń tonnany qurady.
Aıta ketsek, 22 tamyzda Qazaqstanda dızel otynyna saralanǵan baǵa belgilendi. Sol kezde Energetıka mınıstrliginiń munaı ónimderin bólshek saýdada ótkizýge arnalǵan shekti baǵalar týraly buıryǵy kúshine engen edi.
