«Negizgi ózen basseınderinde, ásirese eldiń ońtústik aımaqtarynda sý tapshylyǵy sıkliniń jalǵasýyna qaramastan, vegetasııalyq kezeń turaqty ótti. Aldyn ala málimetter boıynsha, barlyq sý qabyldaǵyshtan turaqty sýarý úshin shamamen 11,6 tekshe shaqyrym sý qajet. Onyń 97%-y nemese 11,3 kýbokılometri Almaty, Jambyl, Túrkistan, Qyzylorda jáne Jetisý oblystaryna tıisili», dedi Serikqalı Brekeshev Úkimet otyrysynda.
Aýyl sharýashylyǵy mınıstrligine qarasty Jer resýrstaryn basqarý komıteti usynǵan derekterge qaraǵanda Qazaqstanda 2,2 mln ga sýarmaly jer bar.
«Osy óńirlerde vegetasııalyq kezeńniń turaqty ótýin qamtamasyz etý úshin 2021 jylǵy qarashadan bastap daıyndyq jumystary bastaldy, arnaıy jumys jospary bekitildi», dep habarlad mınıstr.
