Saıasat • 24 Qarasha, 2022

Ákimder «AMANAT» partııasyndaǵy qyzmetterinen bosatyldy

20 ret kórsetildi

«AMANAT» partııasynyń óńirlik jáne aýmaqtyq fılıaldarynda partııalyq konferensııalar ótti. Kún tártibinde óńirlik fılıaldardyń 2022 jylǵy 10 aıdaǵy jumysyn qorytyndylaý, sondaı-aq ákimderdi fılıal tóraǵasy qyzmetinen bosatý máseleleri qaraldy, dep habarlaıdy Egemen.kz.

Bıylǵy jyldyń naýryz aıynda Prezıdent Qasym-Jomart Toqaev Qazaqstan halqyna Joldaýynda ákimder men olardyń orynbasarlaryna partııa fılıaldarynda laýazym ıelenýge zań júzinde tyıym salý qajet ekenin aıtqan edi. Memleket basshysynyń tapsyrmasy aıasynda qarasha aıynyń basynda zańnamalyq aktilerge tıisti túzetýler engizildi.

Budan bylaı barlyq deńgeıdegi ákimder «AMANAT» partııasynyń oblystyq, qalalyq jáne aýdandyq fılıaldarynyń tóraǵasy laýazymyn atqarmaıdy. Sondaı-aq ákimder partııanyń tıisti fılıaldaryndaǵy Saıası keńes Bıýrosy men Saıası keńesteriniń quramyna kirmeıdi.

«Bul shara el Prezıdenti Qasym-Jomart Toqaev jarııalaǵan saıası reformalar baǵytyn iske asyrýdyń qısyndy jalǵasy sanalady. Bul qadam partııalyq básekelestikke serpin beretinine senimdimiz.  Ásirese, Májilis pen barlyq deńgeıdegi máslıhattarda ótetin aldaǵy saılaý aıasynda bul sheshim óte ózekti», dep túsindirdi partııanyń Atqarýshy hatshysy Ashat Oralov.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar